壹玖捌叁

营业中

休息中

跑马地虽然有好多西餐，但系今日系为咗呢间中式餐馆而黎，门口系模仿古旧嘅中式设计，有两块木对联系两边，跟住要行上楼梯，先可以去到餐厅我地得两个人，所以就拣咗二人餐，因为睇落都唔少野食，就咁睇可能唔知啲食物系咩样，员工超细心咁递上iPad俾我地，可以睇到各款菜式嘅样，好细心啊!!首先黎嘅系凉拌牛蒡虫草花咖啡溏心蛋，我地每人各有一份，唔洗惊唔够分。前者酸酸嘅醋味较浓，我个人几钟意，因为好开胃口，而切丝嘅牛蒡同虫草花嘅口感好爽口，真系唔错。隔离嘅咖啡溏心蛋，可以闻到咖啡香之余，同时可以闻到有阵阵嘅烟薰味，食落咖啡味重，几特别下一道菜就系菊花豆腐炖花胶，唔识嘅人就咁睇个名会以为系用埋菊花一齐炖，其实系考厨师师嘅刀功，要将软滑又易烂嘅豆腐切成条状，但系又唔可以切到底，如果唔系菊花就成唔到形，为咗令菊花盛放，餐厅用另外一只碟载住一大旧花胶，个汤好清甜，加上滑溜嘅豆腐，真系好味啊，再者咬一大口嘅花胶，黏黏嘅口感，令人觉得满满嘅骨胶原，真系好滋补啊!!主菜可以拣三款，我地分别拣咗黑蒜白玉蒸龙趸球、蜜汁香榄骨同一口鲍鱼豆腐:先上嘅系黑蒜白玉蒸龙趸球，卖相都几精致，不过就唔系球喇，而系微厚身嘅龙趸片，质感好