Mela Italian & Spanish Cuisine (已搬遷) 新店位置

今时今日揾好嘢食，观塘都系一个好选择，因为旧工厦区里面开咗好多唔同类型嘅食肆。之前试过一D西式餐厅，水平不俗。今次个friend揾咗一间食意大利同西班牙菜嘅餐厅，好似几有特色，于是约埋去试试。落雨湿湿，时间尚早，所以嚟到嘅时候，唔系咁多人。有别于之前去𠮶D餐厅，Mela个位喺鸿运中心商场地下，所以个Feel 有D唔同，胜在唔系shopping mall, 所以冇乜行人，清清静静，可以舒舒服服咁食餐饭。布置有D西班牙、意大利小馆风格，装饰几别致，座位都算阔落，最啱同 D friend嚟吹水，慢慢食，慢慢倾。睇吓个menu, 八道菜嘅晚餐都系$238，好似好抵食，咁就叫个嚟试吓。头盘我拣咗香煎鹅肝配苹果酱，上碟一看，卖相不俗。鹅肝入口即化，配苹果酱又不太腻。👍跟住嚟嘅Tapas Platter, 卖相精致，三款小食都各有特色。我个人最钟意𠮶个蟹肉茴香香橙沙律。蟹肉有鲜味，加埋酸酸甜甜嘅茴香香橙沙律，口感非常清新，别饶特色。跟住嚟嘅黑松露菌南瓜忌廉汤，口感嫩滑细腻，不俗。主菜拣咗慢煮加拿大厚切猪扒。侍应一上菜时，我同个friend真系wow咗出嚟。😋块猪扒成吋咁厚，size有成两只手掌咁大。