Mela Italian & Spanish Cuisine (已搬遷) 新店位置

一早11:00前落單 說好13:00自取 一直都幫襯無問題 今日落去 叫我比左錢出門口等 等左十幾分鐘 唔對路 入去問 佢先話做好左 仲要一早做好 玩野咩 一句對唔住都無😡😡😡😡返到去打開 食左一半 豬肉丸唔熟 真係好嬲 咩餐廳 以後都唔返轉頭 真係好驚一陣竟肚痛🙈🙈🙈🙈

第一次寫食評, 就比左呢間餐廳 因為呢間係我係香港少有覺得性價比極高的餐廳, 我係情人節正日去食, 先睇睇佢個menuHK$298一位有前菜, 湯, 主菜, 甜品, 係情人節簡直係良心價 因為之前未去過, 都係係openrice 見到評價唔錯, 所以就諗住試下, 價錢唔太貴, 事前期望都唔敢咁高,誰不知質素十分唔錯 生蠔一客有3隻 正常水平 無驚喜主菜#1 美國肉眼 五成熟: 表面煎得好香, 肉真係五成熟, 無overcook, 而且有肉味, 十分出色 主菜#2 香煎豬扒配焦糖蘋果醬: 食落一d都唔un, 配埋蘋果醬一齊食清新, 但可惜較多肥膏, 個人比較中意主菜#1 美國肉眼多d最後甜品 不過不失總括黎講 前菜, 湯, 甜品未有驚喜, 但主菜好抵讚 係呢個價錢黎講好抵食 

晏晝同同事去呢一間意大利西班牙餐廳午市套餐大約有10幾款有飯意粉扒類同漢堡我就叫咗森林野菌黑松露忌廉手掣扁意粉千祈唔好比個碟遏阻好似咁大碟但係中間圈細其實個碗係好深 所以食會飽咖！首先講下佢個‘手制扁意粉’對比起我喺意大利食過嘅感覺好唔同呢一個口感食落似粗麵 亦都冇手制意大利粉嘅彈牙然後講下佢嘅野菌同醬汁味道好濃郁亦都有少許黑松露味可以見到碟入邊菇菌都好多切得好大粒唔會碎濕濕見唔到跟餐仲包左一杯嘢飲我就叫咗熱摩卡佢拉花真係好靚而且每一杯都唔同同恆基係一個心心但係我嘅係一個康乃馨入口味道咖啡同朱古力味做得好平衡總括來講呢個價錢食到呢一個質素嘅晏晝係可以接受嘅不過佢嘅環境唔算對得起佢嘅價錢佢係一個類似廣場嘅中間有啲過暗

以前在樓上的MELA現在開了到地下, 感覺沒以前樓上那麼好坐, 食物的種類比較少, 但性價比還是不錯的南瓜湯很濃郁, 而且南瓜的比例不低, 感覺是天然南瓜的甜味呢!好多海鮮的西班牙海鮮飯! 有蝦肉, 青口, 魚柳, 魷魚, 大蜆, 也配上一片檸檬降一降油膩感, 飯煮得好入味而且不會太硬, 因為意大利飯那種硬粒飯, 我實在是吃不消! 這裡的甜甜的滿不錯喔甜甜的熱巧克力也就一杯很濃奶香的東東, 不過有時簡單就是美味呢~凍檸水也就那個味道, 正常水平吧~

觀塘好多餐廳, 但大多係,裝修一般, 食物一般但收客人中環級數的價錢,  今次由於要夾朋友食飯地點, 就選用這家西班牙和意大利餐廳, 食物質素真的不錯, 各樣也好食, 重點是價錢也合理, 不像觀塘其他西餐廳, 價高質素一般. 希望這家餐廳, 繼續保持優質~

路過牛頭角便進來。午餐具質素，要求牛扒弄至medium,侍應回答5成熟，幸好做出來真的是medium,而且肉質皆，明顯沒有港式西餐廳用調味料蓋過雪藏味、兼且狂用鬆肉粉的毛病，烤肉的功夫很了得，直頭有酒店級或高級餐廳的水準。套餐另付沙律或湯，跟湯的麵包就一般。咖啡有許多選擇，主要是歐陸式，例如espresso等，也有澳洲式的flat white. 但先天所限，這𥚃是工貿區，午餐要快，人流又多，位處大廈設計差，所以回聲大，加上枱間距離窄，環境弄得像飯堂或街市，毫無氣氛，食完都不宜逗留，較為失敗。

食過呢間野五次，食過套餐同a la carte，所以都試過幾多款野。最鍾意佢地既meatballs同手製意粉！meatballs好邪惡！超多芝士，拉絲拉到好高😂又juicy🤤🤤不過最近個次覺得太鹹，啲調味落得太重手。最鍾意佢個牛肝菌闊麵同蝦意粉，前者超滑又al dente,後者就超香濃蝦味意粉一樣夠al dente，令我好想獨食😂😂個蜆都正呀 ，粒粒漲卜卜，啲汁正到用黎點包一流！送既西班牙乳豬唔係細細份，同平日點既份量一樣大，皮脆肉嫩，不過個蘋果醬味道怪怪地唔係好夾。跟餐既小食入面最鍾意個煙三文魚菠菜炸薯球，即炸夠新鮮。餐湯就普通，朱古力意外地有拉花，唔係平日茶餐廳咁，真係濃郁既可可味，唔係甜爺爺。個crumbles配雪糕都正呀！佢連個杯都雪凍埋，crumbles 好好食🤤crunchy 又香牛油味太邪惡喇！重有兩樣係早幾年食過既都好食。豬肋骨同厚切豬扒都好juicy 🤤個紅菜頭藜麥沙律都好清新👍🏻👍🏻食過呢幾次都印象好好，係唯獨有次食過最難食既係個雞🤮個雞好唔得好鞋，前面呢舊無咁鞋但近骨啲肉同舊骨生生地咁。

餐廳以橙色同紅色色調為主，裝修帶歐陸風，坐得舒服。睇個menu都幾多選擇，有意粉飯、pizza、扒餐、沙律小食同甜品等。西班牙海鮮飯 - 好足料，有蜆、魷魚、海蝦，魷魚同蝦彈牙爽口，蜆肉鮮甜。啲飯煮得啱啱好：唔會話太濕或太乾，海鮮味幾濃。Four Cheese Pizza - Pizza 係餐廳自家製，餅底薄脆，批面鋪滿香軟芝士，淡味濃味芝士一次過食到，每一塊都拉曬絲咁，簡簡單單已經好滋味。西班牙式烤焗乳豬配黑松露汁+蘋果醬 - 乳豬製作需時，要30 分鐘，所以耐心等下。乳豬厚身，外皮好香脆，中間有一層薄薄嘅肥膏，肉質嫩滑，肉汁豐富，好甘香但又唔會話好肥膩埋。配埋特製的黑松露汁和蘋果醬食用，忍唔住一啖接一啖。

去觀塘行街街，行遠啲去到呢間食飯。行入呢間，環境都幾舒服，空間感好大，唔會同人迫。感覺都幾浪漫，適合情侶拍拖約會餐牌好多款食物可以揀我們叫一個西冷牛扒，加一個西班牙海鮮飯，再加一個黑松露薯條估唔到個薯條咁大份，配埋黑松露醬同茄汁，好抵食！西冷牛扒好大塊，仲有我最喜歡的焗蒜頭，口感幾好，好多牛油一路食一路漏出來，好香另外好鐘意個西班牙海鮮飯，好多海鮮！飯好香，有陣陣海水咸味，好惹味另外叫左一杯紅苺汁同一個iced mocha原來呢間餐廳有做外賣，在觀塘區返工的人有福了

今日係觀塘工業區度拎完野，同朋友係附近搵下野食喇！見到呢個商場仔有個門牌介紹入面有野食，價錢又幾ok就入去食喇！餐廳係開放式既，所以都幾大範圍，都坐得舒服。野食種類都幾多款，有沙律小食，pizza,扒餐，意粉飯甜品等等。最後決定散叫野食，再+錢 轉一個set,包沙律，湯，餐包，餐茶！好抵叫！因為個沙律超大盤。同平時單點既size一樣大！沙律菜很清爽，仲落了黑醋，食落相當開胃！餐湯係 野菜忌廉湯，味道都好creamy.幾濃郁。配埋餐包食幾好味。白酒汁煮蜆 😋呢度d份量好多好大盤！好多隻蜆，又大隻新鮮！😄個汁煮得幾好味，用白酒，香草蒜片，辣椒調味。食落夠哂入味，又帶點辣味，惹味十足。煙三文魚菠菜芝士薯餅😬yummy即叫即炸所以好熱辣辣脆卜卜！😄煙三文魚碎同菠菜融合成埋一齊，薯餅食落更有口感更香口！再配埋個蛋黃醬食，更加好味！黑松露，溫泉蛋野菌pizza🍕🍕薄身既pizza.食落好脆，唔會好膩。蛋黃流到整個pizza都係，食落好creamy!仲好多芝士！呢個pizza味道好濃郁！😊呢個黑松露闊條麵都做得幾好味。熱朱古力😃☕賣相好趣緻！整左個圖案係上面！朱古力味好濃，唔會話好甜。飲落都幾香滑

我同朋友夜晚去食，都好多人，最好book枱。我地叫左4樣野：1.紅菜頭蘋果藜麥沙律-幾大碟，無一般食紅菜頭會食到嘅奇怪味道，紅菜頭'淋淋'地，蘋果爽脆，藜麥有𡁻口，仲有啲松子，口感豐富2.鴨肉鴨肝醬炸丸子-有4粒，裡面好多鴨肉，都幾大粒，唔似Tapas size😂 我同朋友雖然都食唔到鴨肝，但味道都唔錯，不過...有少少乾，要配埋多啲醬汁一齊食3.西班牙海鮮飯（細）-細嘅絕對夠兩個人食，啲飯有幾濃嘅海鮮味，上面啲魷魚同蝦幾爽口，蜆肉無沙，煮得啱啱好4.乳豬-肉好嫩滑，可惜個皮唔太脆，佢有兩個醬汁跟埋，一個係黑松露醬，一個係蘋果醬，松露醬無乜松露味，我同朋友都覺得似黑椒汁多啲，但蘋果醬ok,可以中和乳豬嘅肥膩員工值得一讚，會主動幫我地換碟同跟進啲食物。如果你想食海鮮飯同乳豬，我建議坐低即叫，因為製作需時！

見到呢間紅噹噹嘅餐廳係廣場正中間，專食意大利菜，有至愛扒同埋西班牙海鮮飯就入去試試。🎏😊六點幾入到去，唔算多人，可以自己揀位👍🏻餐廳佈置都幾開陽入邊用唒紅枱布、紅櫈，充滿熱情風味。肉眼扒都好大塊，叫咗五成熟切開肉質啱啱好，見到啲肉粉紅色，唔會過熟過老。若牛扒再厚身啲就正了！伴碟菜都好特別，有個蜜糖蒜頭，啲蒜頭味唔會太濃烈，餐廳加咗好多蜜糖，甜甜地，又有啲蒜香，幾好味！海鮮西班牙飯比較特別，唔似其他餐廳用咗好多茄膏。呢款西班牙海鮮飯顏色較黃，面頭鋪左好多好大隻嘅蜆！脹卜卜、好鮮甜！😍👍🏻個飯充滿蜆汁嘅鮮甜味，好好味！仲有魷魚、海蝦。野飲summer holiday，入邊有檸檬汁、橙汁同埋菠蘿汁，飲落酸酸甜甜幾開胃！令一杯紅梅汁正常，唔會過甜過淡。最後叫咗杯甜品，意大利雲呢嗱雪糕配牛油脆脆，雲呢拿雪糕唔算話好特別，但係下面鋪咗好多牛油脆脆脆，好脆好香口！混係雪糕就好好食，加分！

放工就同朋友黎呢間餐廳食飯，貪佢夠近公司，而且又好味。餐牌上既食物款式好多，而且都幾有特色，價格都非常合理餐廳既環境好舒服，成個格調好warm。枱與枱之間既空間好足夠，夠哂寬闊。我地6點鬆d就到左，所以未有好多客人。食到七點幾鐘，就開始多人我地叫左兩杯飲品，分別係凍朱古力同cranberry juice，凍朱古力既朱古力味好濃，甜度岩岩好。cranberry juice就酸酸甜甜，飲完胃口就打開左😂😂😂小食方面，我地叫左Mela 脆炸香辣單骨雞翼，雞翼皮脆肉滑，香草味道好出，少少辣，都幾惹味主菜方面，其中一個叫左紅酒燴牛肉意大利飯，成個飯既味道好香，牛肉好入味，而且好腍。意大利飯煮得岩岩好，軟硬適中，意大利飯仲撈左芝士同香草，味道香濃。個飯就有紅菜頭係則邊，酸酸地令味道更清新另一個主菜我地叫左西班牙乳豬，份量都幾多，乳豬皮烤得好脆，好香口，肉質嫩滑。乳豬仲有黑松露汁同蘋果蓉配，黑松汁味道香濃，同乳豬都幾夾。蘋果蓉酸酸甜甜，中和左油膩感，好食👍🏻

之前已經同朋友來過Mela，今次契妹生日特意帶她來試下這一間西班牙餐廳，餐廳位於觀塘巧明街，裝修採用開放式設計。 我們點了西班牙式烤焗乳豬配黑松露汁，蘋果醬$258， 意式蕃茄芝士焗黑毛豬肉丸$68，燴鴨肉西班牙洋蔥鴨肝醬手製闊麵$165，巴馬火腿紫蘇番茄醬pizza$138， 焗雲呢拿梳乎厘配焦糖汁$68。西班牙式烤焗乳豬配黑松露汁，蘋果醬 ~ 乳豬好好味， 同我以前響西班牙食過嘅味道是一樣的，外皮好脆，肉質嫩滑，配埋特製的黑松露汁和蘋果醬食用，美味可口！意式蕃茄芝士焗黑毛豬肉丸 ~ 雖然只是簡簡單單的一個焗肉丸，但都可以做到芝士味豐富， 肉丸啖啖肉。燴鴨肉西班牙洋蔥鴨肝醬手製闊麵 ~ 手製闊麵軟硬適中，份量和材料都控制得好好。巴馬火腿紫蘇番茄醬pizza ~ 食pizza除咗配料之外其實餅底都好講究，呢一個pizza就做到熱辣辣外脆皮軟的感覺。焗雲呢拿梳乎厘配焦糖汁 ~ 餐廳真係好有心思，其實我冇預先訂定的，但我跟店員講可唔可以幫我寫生日快樂的字句，他們立即答應，仲要畫得咁靚，真係多謝曬！整體來說我好喜歡這間西班牙餐廳，因為我經常都會到牛頭角或者觀塘這兩個地方，所以一諗起想食西班牙

仲記得之前黎呢間餐廳食過好似$238就有七道菜嘅套餐覺得好抵食，所以今次專程同朋友黎食，點知已經無做呢個優惠🙈 不過一場黎到，為左唔白行一趟，然而就用正價食吧🤦🏻‍♀️‘People who LOVE to EAT are always the BEST people.’ 仲好記得呢句話係餐廳牆壁所掛嘅畫寫嘅，覺得係形容緊foodpigss🐷🐷😌🤭香煎鴨肝、檸檬、法邊豆、意大利飯（$162）餐廳好誠實咁無將鴨肝扮鵝肝，但其實味道都幾相似，外脆內軟，入口即溶，配埋濕潤嘅意大利飯相當有驚喜，不過唔覺檸檬嘅存在🤨，幸好問題不大燒美國頂級肉眼牛扒（十安士）配燒蒜、紅酒汁（$268）一開始店員問要幾成熟，🐷🐷就揀左7成，然而上枱切開發現係全熟咁，真係有點兒失望，點知食落勁juicy😍，並無因為太熟而韌，size亦都好大呢個燒蒜加左蜜糖，食落又甜又香，真係意想唔到咁滿意70%黑朱古力心太軟配雲尼拿雪糕（$58）因為即叫即整所以等候時間要長啲，所以想快早d食真係要提早同店員講上得甜品。微苦嘅朱古力真係非常流心又好滑，而且帶點微溫，一口雪糕一口心太軟係人間享受，好高質，呢個真心要一試最後就係凍檸茶（$2