影片
更多
2016-04-21
1479 浏览
两个女仔，有咩开心得过一齐去食下午茶倾个够本？今日去到DALLOYAU，就过左一个好愉快既下午！餐厅今期做紧Chocolate Afternoon Tea，二人份$536，睇下有咩食啦：下午茶系成set上既，咸甜美点都有，我由上层开始食起，先黎两款三文治，「鲜龙虾黑松露软包」，龙虾新鲜，同加入左黑松露既沙律酱好夹，香喷喷好好味；「烟三文鱼芝士三文治」，鱼肉有油香，面包够松软，好味。「南瓜酥皮批」，唔会好似中式酥皮咁油腻，质感腍腍地，入面系甜甜地既南瓜，带少少柠檬味，几清新既味道。「法式鹅肝三文治」，面层系好香既鹅肝酱，下面系甜甜既蛋糕，侧边系果jam，咸中带甜，口感特别；而这一小件，亦正好系咸甜点既交界，干掉呢件就可以开始食甜品啦。「香浓朱古力泡芙」，朱古力味极浓，口感软滑，唔会过甜。食完粒咁浓既朱古力泡芙，食呢粒带微酸既「杏桃奶酪慕丝」就最啱，可以清一清味蕾。「层层榛子蛋糕」系我既另一推介，食落去好似金莎+乐家杏仁糖咁，底层好脆口，非常美味！「绿茶歌剧院蛋糕」，数过有成七层咁多，抹茶味好突出，朱古力同忌廉都够香滑。Tiramisu记得唔好太迟食，否则会出水。我钟意面头既朱古力粉，带少
餐厅今期做紧Chocolate Afternoon Tea，二人份$536，睇下有咩食啦：
下午茶系成set上既，咸甜美点都有，我由上层开始食起，先黎两款三文治，「鲜龙虾黑松露软包」，龙虾新鲜，同加入左黑松露既沙律酱好夹，香喷喷好好味；「烟三文鱼芝士三文治」，鱼肉有油香，面包够松软，好味。
「南瓜酥皮批」，唔会好似中式酥皮咁油腻，质感腍腍地，入面系甜甜地既南瓜，带少少柠檬味，几清新既味道。
「法式鹅肝三文治」，面层系好香既鹅肝酱，下面系甜甜既蛋糕，侧边系果jam，咸中带甜，口感特别；而这一小件，亦正好系咸甜点既交界，干掉呢件就可以开始食甜品啦。
「香浓朱古力泡芙」，朱古力味极浓，口感软滑，唔会过甜。
食完粒咁浓既朱古力泡芙，食呢粒带微酸既「杏桃奶酪慕丝」就最啱，可以清一清味蕾。
「层层榛子蛋糕」系我既另一推介，食落去好似金莎+乐家杏仁糖咁，底层好脆口，非常美味！
「绿茶歌剧院蛋糕」，数过有成七层咁多，抹茶味好突出，朱古力同忌廉都够香滑。
Tiramisu记得唔好太迟食，否则会出水。我钟意面头既朱古力粉，带少少苦涩，令甜品既甜度好适中。
因为系朱古力主题，所以松饼除左有原味，仲有朱古力味。伴住松饼既，系鲜制奶油同果酱，食原味都不愁寂寞；朱古力松饼入面有朱古力粒，就咁食唔加酱都已经够香浓美味。
今日呢两粒马卡龙，一粒系Rasberry，另一粒系杏仁。虽然食到最后先到佢地，但面层仍保留香脆，一切即碎；马卡龙最忌过甜，呢度既甜度就刚好兼带有香味，我个人好buy！
张贴
