新越越式料理 (已搬遷) 新店位置

去到九龙城，打算今晚同某人食泰国嘢，但某人收工收得夜，唯有自己行住先，睇吓有咩好食。行到去差唔多九龙城尾，见到有间装修得几骨子的越南嘢食，索性入去食住等啦！叫住个炭烧香茅鸡翼顶顶肚先，鸡翼块皮烧到又脆又甘香，咬落肉质又几滑，不错。食咗一只鸡翼之后，某人终于出场了，我哋叫咗个炒饭，粒粒饭都炒得几爽身，中间啲炸蒜令到个饭更加香口。个番茄蟹肉沙律，原来系将啲沙律放入原个番茄，卖相几有特色，蟹肉十分之多。沙律汁好甜腻，fusion 菜可能未必个个得好欣赏佢个龙眼冰，够清甜冰冻不在话下，龙眼肉有成三分之一杯咁多，食极都有，又爽甜。