黃明記粥粉麵家 (已搬遷) 新店位置

帮衬过好多次啦，佢嘅汤头唔系道道食到，所以会令你念念不忘，耐唔时就要去翻兜佢。系啲位「扎」啲逼夹啲，人多要搭枱啫。每次必点孖宝有，净猪什须 + 蚝仔汤饭。两个个汤都好饮到要饮清，汤头有甜味，唔会好似其他铺头咁死咸似味精汤，就算饮晒之后，都唔会好快口干。猪什好干净，墨鱼须无咩味道，不过爽脆。蚝仔虽细细粒，不过份量多，亦唔会有腥味。仲有肉碎、方鱼碎、芫荽葱，好香。如果唔使睇价钱，以我钟意食汤饭嘅程度，我想食两三碗。另外佢嘅墨鱼丸同出面大大粒好弹牙嘅𠮶种唔同，佢地家系偏细粒少少，「林」身一啲嘅，唔会实的的、唔会好胶好弹，但都几好食。油菜蚝油芥兰同炸鱼皮一般。之前已经听人讲TVB啲人成日帮衬，唔知系唔系，只记得TVB夜消磨有介绍过呢间嘢。当日有幸撞见葛民辉和一女子（似助手）黎食嘢。