富哥譽江南 (已結業)

同朋友慶祝生日，黎左富哥廚房食飯。環境似食西餐，但實則係食上海野同廣東點心。大廳以白色為主既，另外有一個偏廳就係青綠色既，掛左幾幅圖，兩邊對比好大。點左肴肉，口水雞，拍清瓜，獅子頭，炒年糕，律白同其廣東點心，鳯爪，奶皇包等。相比之下，上海野做得比較好，不過不失；廣東點心就麻麻地，味道偏淡。間野既大廚顧問係蘭桂坊酒店- 名人坊富哥，同經理講野期間覺得佢個樣有少少似William Hung, 唔知係咁真係佢。