弘 CHIRASHI (已結業)

最近唔知系咪兴食丼，面书朋友经常都发丼文，而有得睇无得食既感觉真系 ......其实留意到有好几间餐厅都系呢期上左位，而且各有特色，越讲越想食 ......这些机会终于属于我的。今晚系铜锣湾附近揾食，终于可以丼一丼。餐厅其实唔算好大，见到有刺身，寿司等其他食物，不过主角系丼。有好多唔同种类既丼，更加有双层丼，巨型丼。有大食大，拣左享丼丼 (2人前) $488成个丼好巨大，卖点系有 30cm 咁大，真系成个pizza咁大。当然唔系得个大字，里面有松叶蟹，三文鱼、油甘鱼、八爪鱼、带子、𫠒红鱼，海胆。餐厅有提供进食教学。海胆豆腐用淡味而滑口既豆腐带出海胆既鲜味。松叶蟹肉玉子烧玉子烧够松软，松叶蟹肉鲜甜。三文鱼、油甘鱼、八爪鱼、带子、𫠒红鱼刺身类都算大件，份粮唔算太多，用作为食蟹前既一个过渡，重头戏系之后既松叶蟹。松叶蟹有齐蟹脚，蟹钳，蟹盖同埋蟹身。餐厅在蟹脚折开部份壳，只需要用预先准备既食具已经可以轻松食。食既时候不妨试试加入蟹醋，令蟹味提升。松叶蟹既蟹味突出，十分鲜甜。下层既饭可以用嚟做茶渍饭或当寿司饭食。加入松叶蟹清汤，汤用松叶蟹脚、昆布、酒、豉油、冬菇煮煮成，再加入木鱼花提味，将汤加入