影片
更多
2024-09-03
86 浏览
肯德基 KFC📍铜锣湾轩尼诗道475-481号东南大厦1-2楼及地下A1号舖大家都知道我对动漫有几咁热爱，热血、刺激、世界观特别嘅动漫更正中我口味，每次只要迷上一套动漫，就会中二病发作，经常喺日常生活中活用我钟意嘅角色讲过嘅对白，学习佢哋处事嘅态度等等。虽然我未去到要cosplay嘅程度，但每逢收到风有期间限定联乘嘅周边、展览、餐点，我都会第一时间去打卡、爆买！今次知道KFC同进击的巨人合作，将上年年末推出嘅Final Season化为今次联乘主题，亦为迎嚟今年年末上映嘅剧场版打响头炮，身为粉丝嘅我同带我入坑嘅朋友齐齐踩入地呜领域，感受犹如置身战场嘅震撼。如果你都系巨人粉，我推介你一定要去铜锣湾店，楼高三层嘅KFC内置多个打卡位，亦有唔少心思位，一众粉丝都蜂拥而至，实在「鸡」会难逢、「鸡」不可失！大家着上巨人主题嘅衣物，边食住KFC嘅招牌美食，边做出「心脏を捧げよ」嘅招牌动作，誓要向所有奋战嘅战士致敬！ 💰$48M3 狂惹香烧鸡 🍗今日我想一改作风，唔食炸鸡，而系叫好耐无食过嘅烧鸡。烧鸡虽然无炸鸡咁脆口，但胜在肉嫩多汁，调味相当惹味，特别适合怕热气、怕高热量嘅人食。选配细辣汁蘑菇饭，一
📍铜锣湾轩尼诗道475-481号东南大厦1-2楼及地下A1号舖
大家都知道我对动漫有几咁热爱，热血、刺激、世界观特别嘅动漫更正中我口味，每次只要迷上一套动漫，就会中二病发作，经常喺日常生活中活用我钟意嘅角色讲过嘅对白，学习佢哋处事嘅态度等等。
虽然我未去到要cosplay嘅程度，但每逢收到风有期间限定联乘嘅周边、展览、餐点，我都会第一时间去打卡、爆买！今次知道KFC同进击的巨人合作，将上年年末推出嘅Final Season化为今次联乘主题，亦为迎嚟今年年末上映嘅剧场版打响头炮，身为粉丝嘅我同带我入坑嘅朋友齐齐踩入地呜领域，感受犹如置身战场嘅震撼。
如果你都系巨人粉，我推介你一定要去铜锣湾店，楼高三层嘅KFC内置多个打卡位，亦有唔少心思位，一众粉丝都蜂拥而至，实在「鸡」会难逢、「鸡」不可失！大家着上巨人主题嘅衣物，边食住KFC嘅招牌美食，边做出「心脏を捧げよ」嘅招牌动作，誓要向所有奋战嘅战士致敬！
[价钱 Price]
💰$48
M3 狂惹香烧鸡 🍗
今日我想一改作风，唔食炸鸡，而系叫好耐无食过嘅烧鸡。烧鸡虽然无炸鸡咁脆口，但胜在肉嫩多汁，调味相当惹味，特别适合怕热气、怕高热量嘅人食。选配细辣汁蘑菇饭，一口滑鸡肉，一口爽菇饭，份量刚好，晚餐嚟讲非常抵食。
即日起至至 9 月 18 日期间，买满$49或以上就可以加购限量巨人周边商品！6款特别打造嘅周边为「社畜」们加油减压，而且融合巨人特色元素，实用之余亦好有收藏价值！全部周边数量有限，售完即止，虽然已经一早去，但人气之选嘅「调查兵团颈枕『唞』篷」早已被换购一空，所以大家有兴趣，记得心动不如行动啦！
「唞唞『鸡』动装置」系列六款限量周边商品 ⚔️
・『肯!唞唞』社畜系列盲抽企牌 (加购价 $68)
有得抽，有得砌，仲有打气字句，office台面唔少得！有爱「连」深切既ミカサ、靓仔兵长リヴァイ，同超有霸气嘅超大型巨人三种款式，做工精美，抽到边款都会好开心！
・随地唞唞巨人眼罩 (加购价 $48)
想随时变身巨人？唔洗自己咬自己既，戴个眼罩就得啦！
・调查兵团颈枕『唞』篷 (加购价 $168)
想同エレン、アルミン、ミカサ一齐加入调查兵团，一齐披上披风设计嘅颈枕『唞』篷，让自由の翼随风而靡啦！
・调查兵团立体『鸡』动风扇 (加购价 $108)
立体『鸡』动风扇用上调查兵团标志性嘅军绿色同纹章，设计轻巧，风力够大，仲可以挂颈或座台，夏天必备！
・ 『肯！凉爽』巨人速干巾 (加购价 $58)
速干巾一面鲜红，印有KFC logo，另一面画风突变，60米高巨人林立，眼神空洞散发令人毛骨耸然嘅气场，夏天出街或玩水后挂喺条颈度，霸气尽现！
・无限减压啪啪纸机 (加购价 $78)
塞车、返工、读书，难免会有压力，随身袋住个桶鸡造型啪啪纸机，减压之余又治愈！
张贴
