叁拾咖啡室 (已結業)

有次见到朋友ig story post咗咁大只鸡髀， 好奇之下问下就揾到呢间叁拾士多， 但佢嘅位置就比较入， 沿著成业街行到最入就会揾到。两点几去到，竟然有人系外面等，平时呢个时间食肆都较少人，但我一个人就唔洗等既。去到唔洗谂就叫左巨人鸡髀配薯条，只鸡脾真系好大好大，巨人鸡髀真系名不虚传，今次第二次食，见到都系会忍唔住哇一声😂，上次叫金砖觉得有啲太饱， 所以今次就改叫薯条。只鸡髀真系好大只，但可能太大只喇，要炸到 外脆内软就真系有难度，所以其实佢系偏干偏硬既，但味道都ok， 而且份量十足， 下午茶食完够晒饱。但薯条就真系唔太出色， 个人觉得唔太好食，太油又无咩味， 相反上次食嘅金砖反而几好食， 好食过一般普通茶餐厅嘅西多士。Ps 叁拾士多嘅下午茶时间由两点开始，算系好贴心了， 其他餐厅嘅下午茶时间多数由两点半开始， 有啲甚至要三点，等得黎都饿死宝宝了。