泰興餅店

营业中

休息中

同事去泰兴买左皮蛋酥返黎，仲系原只一个果种，一盒六只拎起上手劲重。用上传统包装纸盒，无特别装饰，印字仲系右读向左架。一盒六件大大只（$60/盒），外卖返到公司都无散开，个盒迫爆咁济。我唔客气啦～独食一只先。切开系咁样，原只皮蛋，啱哂爱皮蛋人仕，皮蛋虽然有啲硬，但好味㖞，好有皮蛋味，哈哈。酥皮松软，一层夹一层，酥皮加埋饼皮有口感，中间仲有一层糊状物，似系莲蓉黎，又香又滑，甜甜地几正。似乎唔太食到有姜味？可能系因为呢款系原个皮蛋酥，小店仲有一款叫酸姜皮蛋酥，下次叫同事买个款试下先。