茶豆冰室

营业中

休息中

饿饿地入去食左个下午茶，西多士真系惊艳左我首先一定要讲讲呢个西多士。唔知大家觉唔觉近年嘅西多士愈黎愈细件，去到有铺头得返一层面包，连花生酱都无。但呢间嘅西多士睇落已经大大份，用左两件大方包去整，中间无偷工减料，搽足花生酱。之后沾上蛋液，炸到金黄色。放上一大旧牛油，剩系闻已经不停留口水。今次落糖浆，一切落去外层酥脆，内里柔软，每一嘅脂肪食落肚都系满足感同幸福感。呢碟干炒牛河，牛肉多又唔硬，河粉弹牙口感。牛肉嘅鲜嫩同河粉嘅Q弹夹埋一齐，令每一啖都充满左美味同满足感。讲到呢碟干炒猪扒公仔面，本身都唔谂住叫，但见到隔离食到津津有味，我就无理由唔试下嘅。佢d 猪扒煎到金黄酥脆口感绝佳。公仔面唔会太硬又唔会太淋，煮得啱啱好先去炒，火喉控制得好好，调味适当唔会太浓。提一提呢两碟炒粉面，仲有一点做得相当出色就系碟底唔会好油，真系做到"干"炒嘅奥妙之处。