炊豕店 (加路連山道) (已結業)

叫咗一个咖喱猪扒饭，一个肉燥猪扒饭，同埋卤水拼盘。猪扒真系超级大块，仲好厚身！未见过咁厚嘅猪扒～炸到外层香脆，入面虽然厚肉但完全唔会鞋，好好食！饭系珍珠米，每碗饭都配一条菜😂咖喱汁系另上嘅，好好味，好香，唔太辣甚至有少少偏甜，啱哂唔食得辣但又钟意辣香味嘅人。肉燥汁就本身淋咗喺饭到，都系偏甜，香味唔够出。除咗肉燥，仲有几块细嘅肥猪肉😋卤水拼盘有猪耳、猪肠、鸡肾、鸡翼、蛋同少量牙菜。卤得几入味，猪耳猪肠都切得几大旧，唔小气。但个汁又系偏甜，冇乜香料味～总括黎讲，猪扒饭好抵食，超大份，我食咗半碗已经开始饱😂值得再试