Burgeroom (美麗華廣場1期) (已結業)

餐厅环境黑黑地，够chill可以同朋友吹水，情侣撑枱脚又得。提供牛、鸡、海鲜、素汉堡，适合各类人士，又有炸物小食。晚市7点左右到，已经几乎full。叫左大烤菇芝士牛肉汉堡($110)，牛油果酱芝士鸡柳汉堡($98)，芝士旋风薯条($60)，鳕鱼手指配他他酱($55)，自家制菠萝冰茶($38)。所有汉堡除加煎蛋外，会切开2份，唔钟意切开既话落单前可以提出。汉堡超高厚身，块牛肉汉堡同块面包一样咁厚。就算拎起半份，d馅好丰富，好难夹得实，要好小心食呀。牛肉肉汁边食边流出黎，好重黑胡椒味，唔腻。大烤菇既口感好似食紧肉咁，感觉好似有2块肉，带d甜味。蕃茄少少酸，可以中和浓郁既肉味。鸡柳汉堡相对上冇咁高身，但同样大份。牛油果酱多到泻，食到有少少少少辣味。鸡柳系鸡扒好厚一大块，咬第一啖边位，都已经食到鸡肉。食到底层面包开始吸左d肉汁，变软左少少。旋风薯条呈圈圈咁，有别于平时食既直薯条，够得意。炸得脆，唔热气。芝士半溶淋上去，过一阵食芝士就会变固体少少，但冇损味道。炸鳕鱼条外皮脆口，内里软，配埋他他酱冻冻地，几夹。冰茶底部有大量菠萝肉碎，所以饮前要搅一搅匀。阵阵茶味，饮完冇咁热气既feel。整体，餐厅