Burgeroom (美麗華廣場1期) (已結業)

香港食burger既店铺好多，但数到又大份又好食既burger店，非burgeroom莫属。今次去左尖沙咀分店。Burgeroom算系半自助式，自己去收银𠮶度下单俾钱之后职员就会送上食物，我地等左两三分钟，食物就陆续送上。店铺算大，虽然位拍得有啲密，但楼低高，空间感都足够。最令人印象深刻系有车軚做装饰，好特别。首先职员送上两款小食，旋风薯条炸到好香脆，而且唔油腻，好味过mcdxxxxx 既扭扭薯条。另外一款系鳕鱼手指配他他酱，炸得脆之余食落唔粉，鳕鱼非常幼嫩，可见食物材料上乘。我叫左烟肉芝士牛肉汉堡，一拿起手，沙律酱同牛肉肉汁即系泻出黎，大到要用刀叉食，系另一种享受。牛肉juicy，牛味好重，肉质刚刚好，完全唔韧。burgeroom 既bacon cheese burger真系食极都唔厌！我女朋友叫左软壳蟹汉堡，软壳蟹粉浆唔厚，非常脆卜卜，咬落松脆，且唔油腻，脆卜卜既软壳蟹加上软软既面包系perfect match! 咁多食物都系$300内，食完非常满足，荷包都好健康。