又一棧 (已結業)

食物味道一般，但服务态度极差。 订位时要求7：00还枱，我都同意。今晚友人6：30先到，我都已经预先叫晒𩠌，友人一到就开餐。当时6：50左右，我都未将最后一愧肉吞落肚，个小姐已经来收走晒D碗碟。我当时打左个突。之后唔到2秒就叫我地点甜品。我同个小姐讲睇睇先。甜品牌都未睇，点叫呀。未到几秒的时间，个部长又吹我地叫甜品。我话，「你岩岩先叫我点甜品，可唔可以俾d时间我？」但个部长大条道理话：「好快7：00啦，你唔叫，出唔切俾你。」听到我火起。我系消费者，仲有十分钟至到7：00，门口又冇人等位。咁样做即系赶客啫。 又一栈又唔系大排档，俾多几分钟唔会死人架！咁冇人情味的餐厅，揾鬼去呀。