添好運點心專門店 (已結業)

好耐之前食过就觉得佢啲嘢食不错，之后今日谂唔到食咩就试吓食翻添好运啦。呢一间坐得好迫好窄啲枱又好细，卫生仲要有啲差。我哋两个人就嗌左六样嘢，有一个白灼菜，马拉糕，鲜竹卷，鼎湖上素饺，豉油王炒面同埋斋肠。个马拉糕唔错嘅唔算好甜亦都系热辣辣食落去好正。个菜同个豉油王炒面就不过不失啦都冇乜特别。至于个斋肠就太稔，好似食紧一旧粉，唔多好食之后个鲜竹卷又系唔合格好咸！同埋上菜嘅时候都唔热嘅。整体来讲我觉得麻麻地啦我唔会再食啰。