荳子烘焙

营业中

休息中

一开头等咗阵位，有个职员就叫我哋点餐付款先。然后就带咗迟过我哋排队嘅人入座先，安排失当。嗌咗一份菠菜烟肉班尼迪蛋酸种吐司，一份手撕猪仔骨班尼迪蛋酸种吐司，一杯牛奶咖啡，一杯冻水果冰茶。然后攞咗号码牌，职员就安排咗另一个位俾我哋，带我哋入座。过咗八分钟，就上咗两杯嘢饮我哋。之后再过咗3分钟就上咗两份吐司。但系其中有一份上错咗隔一枱嘅牛角包，我𠮶份吐司就俾咗佢。又要揾职员安排。餐具系要自己拎嘅。个烟肉咸到好似咸鱼干咁。个手撕猪仔骨就甜甜地嘅，麻麻地。两份吐司味道都一般。食食下仲食到有一堆蛋壳。牛奶咖啡非常涩。果茶就ok。不过整体嚟讲系十分之差，唔会再嚟。