富臨漁港 (已結業)

食物质素同服务态度极度恶劣，差到值得为佢开个account。由八点几等到九点半，无线果套硬胶西游记刚好做完，我地嘅野食黎左一次，占我地嗌左嘅不到一半，其间催左三四次，到后尾竟然话冇我地嘅单。好啦，再写过啦，再等过啦。斋讲炸鱼皮，前后总共写左四五次，到最后直接同个阿叔讲，再等多十几分钟先终于有一碟，其间阿叔气定神闲，以公园阿伯之姿在我们附近几张枱之间踱步徘徊，仲同隔离枱客吹左阵水，我地唔耐烦再递多张单，佢先施施然攞碟鱼皮出黎，阿叔，可唔可以唔好喺晚餐时段出黎晨运?在苦苦等候其间，我地向过唔少人“求助"，其中以一位大有元秋之势的阿姐最有霸气，一句"等下啦"之后向厨房大喝一声"xx号枱话冇野食呀"，之后想当然，野食仍旧神隠。之后去到厨房门口终于揾到神出鬼末,行踪飘忽嘅部长，d野先终于到左七成，但系我地已经等到冇胃口。咁d野食质素如何呢?下举数例:汤底:皮蛋莞茜，冇味肥牛:唔新鲜丸类:尚可，但张单写1真系畀1粒我？千呼万唤始出来嘅鱼皮：似足干尸甩出黎嘅碎片，又干又硬，渌完都咬唔开。一个字:永久blacklist。