居食屋「和民」 (已結業)

见好耐冇去和民食饭，今晚就去食下。估唔到越黎越差。点左几样野：和民沙律、海老刺身、芝士烤鸡、炸水牛芝士同埋㶽烧牛肉乌冬。首先黎左个沙律，感觉正常，不过不失。再黎海老刺身，除左细只啲同唔系咁新鲜外，都算还可以接受。再黎上台就系芝士炸鸡同炸水牛芝士。个芝士炸鸡一啲唔热，只系暖暖地，外面啲脆皮就好明显炸过龙，入口硬到想吐返出黎掟人。至于炸水牛芝士，正确啲黎讲，应该叫佢炸水牛芝士壳。佢炸到过晒龙，啲本应起入面嘅芝士漏走晒。得返啲壳上台俾人食，真系估佢唔到，岩都可以上台俾人食。食完啲炸水牛芝士壳已经成肚火，最后上台系㶽烧牛肉乌冬。又系煮到过晒龙，啲牛肉又嚡同份量整少。成个㶽上台果阵同出面天气一样打晒风咁，卖相仲差过好多廿几三十蚊碗牛腩河。成餐三百几蚊找数，感觉唔值呢个价位。