紅煙窗餐廳

营业中

休息中

前两个月来食过一次，感觉唔错，cp值较高。所以12月就再食多次，价钱一人贵咗50，冇所谓，圣诞月都系咁，但最大问题系D嘢食差咗好多，之前生蚝虽细，但新鲜有蚝味，呢次食有少少苦味，失色唔少；之前冻龙虾任食，呢次龙虾变咗碳烧，要排队，一次限半个，其实烧同唔烧完全冇分别，又唔会好食啲，又冇烧热，其实就系拖延时间，要你等耐啲，食少啲，变相配给，好小家；之前有龙虾沙律，呢次变咗薯仔沙律；之前的莲藕汤好浓，呢次节瓜好稀冇味，汤侧边摆咗筒冇咩料嘅粥；热食之前有清蒸比目鱼，呢次变咗唔值钱嘅蒸鲶鱼块；甜品蛋糕品种少，由始至终冇添加，原只蛋糕得两个，一个芝士一个朱古力，其他就系细细件完全唔吸引！唔明点解价钱贵左D嘢仲差咗咁多，买单一人五百，就D嘢食来讲唔算平，选择少质素差，伏中一次就够，呢间我就唔会再去了