牛奶冰室 (長沙灣廣場)

营业中

休息中

呢间野真系好hit，好多人都话好食。虽然我妈话好难食，不过返工真系冇太多选择就试咗。本来觉得不过不失啦，价钱唔平但都唔算太贵算系而家茶餐厅嘅价钱咁啦。所以间中都会过黎食饭，佢呢间舖都算坐得舒服嘅。不过今日再食，叫咗都食过几次嘅星洲炒贵刁。哗！咁难食嘅！完全觉得自己将成罐鸡粉食落肚嘅感觉。用呢个价钱食啲咁难食嘅野，我谂真系冇下次了。不过平心而论，佢杯热朱古力都依然系好饮嘅。故事未完，本来冇谂住打评论。食完拎张收据落下面bakery买葡挞，应该系会减$2嘅。个店员讲完价钱，我问佢系唔系个优惠做完啦？佢劲串咁话你想要咩优惠。我话收据减$2，佢又劲串咁话咪减咗啰！最后系佢面前计一次数佢先话自己睇错价钱，唔好意思都冇句，买完多谢又冇句，咁嘅服务态度唔好怪啲人点解唔留港消费。