牛摩+ (新都城中心二期) (已結業)

记得几年前同太太去呢度食，服务同食物质素都几好，不过依家退步了。入座前先点餐及锅底，选好后店员带我入座，一路行，我就问店员是否有啤酒，店员话有，39蚊位，我话一位加啤酒，佢就话要两位一齐加先得，咁我就话谂一谂转头决定，坐座就同另一店员讲两位都加啤酒，呢个店员就同我讲佢哋无啤酒，我即是觉得被骗，有啲失望，算吧，起身出去攞配菜，点知发现拎配菜𠮶边有小强，我同店员讲，本身都系谂住讲声，等佢快啲处理一下，点知佢应我一声”好”，然之后走咗去，佢再行返过来嘅时候理都唔理，净系望住我一眼，即系佢哋已经见惯不怪吗？我就唯有影张相，有证有据吧。食物方面，昆布鲣鱼清汤，关东风寿喜烧，两个锅底都好淡，食物方面，牛和猪都无乜肉味，羊肉反而有少少惊喜。锅底冇晒汤嘅时候叫店员加汤，原来佢哋系加水而唔系加汤，加完水之后个汤底更加淡而无味。服务方面，除左之前𠮶位店员唔处理小强外，其他都系麻麻哋，有个仲张个点餐牌飞去我隔离张台，又行过亲都撞一下我张椅，都唔紧要，sorry都无句。