味吉拉麵館 (已結業)

原本谂住食对面间咖哩, 但见佢有卡位, 又好耐冇嚟食过, 于是转軚入嚟食, 但我地左睇右睇个menu, 睇咗好耐都唔知食乜, 选择上少咗, 就尤其叫一个拉面, 一个沾汁面~记得以前晚市系比热茶的, 但如今已变成清水, 咁边似日本餐厅架?  黑墨肉燥沾汁面所谓沾汁面, 即系比一碗汁你沾面食, 系微暖的, 个menu都话定你知个汁会偏咸, 所以真系冇错, 比拉面个汤底杰d咸d, 望落成碗芝麻糊咁, 而且d肉燥放咗入碗汁度, 好多时浪费咗d肉燥, 因为碗汁又黑, 简直系深不见底~面就都系果d面, 但感觉上好似比拉面多d,而且配半只温泉蛋、三块豚肉同青瓜丝, 好似抵食~  黑墨豚肉拉面个汤底都OK, 冇上次咁咸, 但D面好似少咗? 定系我大食咗, 好似食几啖已经食完~豚肉够薄, 好彩唔够肥, 我可以成片放入口, 唔驶去肥膏~当我差不多食完时, 先记得呢个拉面好似有紫菜的, 但佢冇比我, 已经太迟, 口同鼻拗, 唯有算数啦~  青柠梳打是日特价, 叫两杯平D, 于是叫咗两杯, 开头见佢得一片仔青柠, 我仲惊死唔够味, 狂督到块青柠烂哂, 点知酸到爆, 可能果片青柠只系装饰, 本身杯嘢已经够青