影片
更多
2015-02-01
2964 浏览
放假就算冇人陪都要出去俾人见下系常识吧，本住哩个常识，所以就算外面已经好几日冇太阳，但我都决定出去晒下 今日目标系深水埗嘅哩间越南小食店，听啲朋友话哩间铺可以一试所以就黎尝尝啦~ 望住餐牌，唔记得𠮶刻想紧啲乜，本来想叫碗【生牛肉河】的，人地招牌都写明sell牛肉喇，但我都会无啦啦咁叫咗碗【风沙鸡翼配越式扎肉捞檬】的，可能想试下佢地嘅鸡翼，又唔想喺一间食饱呱。。。。。。 加3蚊就跟餐有杯【滴漏咖啡】喇，咁当然唔可以错过啦~~~ 真系话咁快就到，哗，颜色好靓咁wo，除咗扎肉同鸡翼之外仲有生菜，青瓜，葱，花生碎，芽菜等等~ 但好睇唔够嘅，味道系非常地重要的啊，眼睇觉得表面干干地，试咗啲啲蒙粉，淡淡地，就试下将碗野捞下喇，捞呀捞，但依然觉得干干的，再试下味，依然系淡的，咁当然又系加调味料嘅时间喇~ 见到台面有个装住【鱼露腌白萝卜丝】嘅玻璃樽，就知道哩样就系碗粉所欠缺嘅一环了，打开闻闻，闻到有朕淡淡嘅酸味同香味，应该冇错喇，加啲啲试下吧~ 加加，捞捞，食食，嗯。。。好食咗。。。再加，再黎。。。又好食多少少。。。咁我系咪应该成樽鱼露倒落去呢 咁当然系夸张少少嘅讲法，但无可否认嘅系如果加唔够嘅话
望住餐牌，唔记得𠮶刻想紧啲乜，本来想叫碗【生牛肉河】的，人地招牌都写明sell牛肉喇，但我都会无啦啦咁叫咗碗【风沙鸡翼配越式扎肉捞檬】的，可能想试下佢地嘅鸡翼，又唔想喺一间食饱呱。。。。。。 加3蚊就跟餐有杯【滴漏咖啡】喇，咁当然唔可以错过啦~~~
真系话咁快就到，哗，颜色好靓咁wo，除咗扎肉同鸡翼之外仲有生菜，青瓜，葱，花生碎，芽菜等等~ 但好睇唔够嘅，味道系非常地重要的啊，眼睇觉得表面干干地，试咗啲啲蒙粉，淡淡地，就试下将碗野捞下喇，捞呀捞，但依然觉得干干的，再试下味，依然系淡的，咁当然又系加调味料嘅时间喇~ 见到台面有个装住【鱼露腌白萝卜丝】嘅玻璃樽，就知道哩样就系碗粉所欠缺嘅一环了，打开闻闻，闻到有朕淡淡嘅酸味同香味，应该冇错喇，加啲啲试下吧~ 加加，捞捞，食食，嗯。。。好食咗。。。再加，再黎。。。又好食多少少。。。咁我系咪应该成樽鱼露倒落去呢 咁当然系夸张少少嘅讲法，但无可否认嘅系如果加唔够嘅话就同淡而无味冇咩分别啰。。。不过，如果加得够嘅话，碗粉嘅味道系可以好好的，酸酸甜甜的，开胃非常，食得人好精神舒服 檬粉煮得啱啱够熟，软硬度啱啱好令人冇投诉，同生菜芽菜等等嘅配菜配合得唔错啊，再加上软软的扎肉，整体感觉非常良好，但点解唔上台之前就为客人加返足够嘅鱼露呢？哩个就系点解我冇喺幅檬粉相上加个赞嘅原因了 我系特登将啲鸡翼同碗粉分开讲的，因为𠮶几只鸡翼真系几好味的，腌嘅时间啱啱好，好够味但一啲都冇过咸，可以好清楚咁睇到表面啲蒜，炸得够香又唔会太油太热气，抵赞！
啱啱开始食嘅时候杯【滴漏咖啡】就已经上台了，滴到我啱啱食完碗粉嘅时候就啱啱滴完，真系啱喇，就好似食甜品咁，早知道就叫多杯野饮等我可以边食边饮啦 好喇，我开始对付我杯【甜品】喇~ 先攞走上面嘅滴滴装备，然后打开台面上炼奶嘅盖，然后就。。。狂加！！！哈哈，讲笑，我就加咗3细羹，加几多依自己口味决定啦，唔好问我 饮啖先~ 嗯。。。。好好味，好香好浓嘅咖啡味。。。真系好正。。。慢慢享受。。。滴咗咁耐温度啱啱好唔会太热，令我可以好舒服咁享受哩杯咖啡。。。真系好舒服，系我饮过最好嘅其中一杯咖啡之一，只系加3蚊嘅跟餐咖啡，水准系不可思议地好～～～
哩餐午饭都算食得满意，埋单先35蚊，都几抵架喇~ 最后总结一句，如果碗檬粉调好味先上台嘅话我就一定会俾个笑脸架喇，宜家嘛，ok啦
张贴
