影片
更多
2015-07-26
1102 浏览
差!一上去间餐厅阴阴暗暗,唔似食韩国嘢的感觉。一大班职员系厨房玩,睇埋餐牌,一碟炸鸡要160,哗,可能我穷,真系想走,不过朋友好想食,咁即管试下,叫左炸鸡同乌东。前菜系一碟生椰菜加千岛汁 ,一碟酸萝卜 ,呢二碟嘢真系好好食,生椰菜好生,酸萝卜好开胃,祝你好运啦。因为去完书展好攰,所以等都觉得ok,但由攰等到肚饿,都未到,一睇表,原来已经半个钟,如果成间好多人客,我都理解,但系因为已经十一点几所以得我一枱新客,其他都食紧嘢,你都可以觉得我因为晏入去人地要收工所以无咩人做嘢,但间铺写营业至0400,当时2300咁我入都正常,茶木收2400我2230到佢话last order我都走,唔想阻人收工。叫个侍应问下系咪真系要咁耐,佢好型咁答我一个字''系!'',但即刻冲入厨房,搞左3分钟,就有个乌东,个乌东就咁加左dd炸粒粒同葱,要搞成半个钟?即拉乌东?!食评系唔弹牙,好淋同埋好似人地食完咁样散收收。鸡肉芝士年糕,好多芝士,多到唔洗钱,但唔会有芝士个d好漏嘅感觉,鸡肉好干同好小,唔食得辣真系唔好食,年糕都得刚刚好嘅.....
一上去间餐厅阴阴暗暗,唔似食韩国嘢的感觉。一大班职员系厨房玩,睇埋餐牌,一碟炸鸡要160,哗,可能我穷,真系想走,不过朋友好想食,咁即管试下,叫左炸鸡同乌东。前菜系一碟生椰菜加千岛汁 ,一碟酸萝卜 ,呢二碟嘢真系好好食,生椰菜好生,酸萝卜好开胃,祝你好运啦。
因为去完书展好攰,所以等都觉得ok,但由攰等到肚饿,都未到,一睇表,原来已经半个钟,如果成间好多人客,我都理解,但系因为已经十一点几所以得我一枱新客,其他都食紧嘢,你都可以觉得我因为晏入去人地要收工所以无咩人做嘢,但间铺写营业至0400,当时2300咁我入都正常,茶木收2400我2230到佢话last order我都走,唔想阻人收工。
叫个侍应问下系咪真系要咁耐,佢好型咁答我一个字''系!'',但即刻冲入厨房,搞左3分钟,就有个乌东,个乌东就咁加左dd炸粒粒同葱,要搞成半个钟?即拉乌东?!食评系唔弹牙,好淋同埋好似人地食完咁样散收收。
鸡肉芝士年糕,好多芝士,多到唔洗钱,但唔会有芝士个d好漏嘅感觉,鸡肉好干同好小,唔食得辣真系唔好食,年糕都得刚刚好嘅.....
题外话/补充资料：
我其实都知佢漏单,咁我就食完个乌东问佢碟炸鸡点,未整就唔要帮我取消同埋单,埋单依旧加埋我碟炸鸡嘅钱,问佢俾单我睇,佢话无单,好!咁我用menu计,佢先返去自己计个数先啱,埋单走!有个小弟弟讲左声唔好意思,咁我都觉得ok原来仲有小小service。不过我就咁计佢前菜应该无收我钱,我唔知佢系本身唔收定收漏,但前菜俾10元我都觉得太多 :huffy:
(以上食记乃用户个人意见 , 并不代表OpenRice之观点。)
张贴