影片
更多
2024-10-19
911 浏览
朋友外国返嚟想食韩国菜，咁啱拣咗呢间，见好多好评都谂住唔错，上到去同等嘢食嘅时候仲见到有好多人喺门口排队，有啲期望，点知大家都食到好失望，浪费咗佢一个返香港食好西嘅机会。芝士泡菜煎饼成餐得呢道菜正常，老实讲呢碟都好食嘅，煎饼好脆，味道好，面头好多芝士，但佢个酱汁就好咸，点少少都已经好咸，建议唔使点。猪手水冷面可能唔够冰嘅关系，冷面唔算太冰冻，只系室温偏冻少少，成碗面冇乜味。猪手完全无味仲要超级硬，硬到完全咬唔开，想话用匙羹上拮开佢整细嚿啲再食都唔容易，食到黐晒牙。牛仔骨韩式年糕牛仔骨全部都系骨，唔系骨既就系脂肪，基本上都无乜正常既肉。今次个牛仔骨有少少味但唯一黐住骨个少少肉都系硬到咬唔开。年糕一啲都唔烟靭，幼身淋pat pat，汁味道普通唔好又杰到糊咁。订位有折，两个人食呢度既野，折后人均140左右。虽然好似几平，但价格反映一切，食物味道差，环境好迫又嘈，限时90分钟会赶人走。不过职员算有礼貌同helpful既。
芝士泡菜煎饼
成餐得呢道菜正常，老实讲呢碟都好食嘅，煎饼好脆，味道好，面头好多芝士，但佢个酱汁就好咸，点少少都已经好咸，建议唔使点。
猪手水冷面
可能唔够冰嘅关系，冷面唔算太冰冻，只系室温偏冻少少，成碗面冇乜味。猪手完全无味仲要超级硬，硬到完全咬唔开，想话用匙羹上拮开佢整细嚿啲再食都唔容易，食到黐晒牙。
牛仔骨韩式年糕
牛仔骨全部都系骨，唔系骨既就系脂肪，基本上都无乜正常既肉。今次个牛仔骨有少少味但唯一黐住骨个少少肉都系硬到咬唔开。年糕一啲都唔烟靭，幼身淋pat pat，汁味道普通唔好又杰到糊咁。
订位有折，两个人食呢度既野，折后人均140左右。虽然好似几平，但价格反映一切，食物味道差，环境好迫又嘈，限时90分钟会赶人走。不过职员算有礼貌同helpful既。
张贴
