HIPOT (已結業)

一行5人去食lunch, 本来唔系食哩间, 但原本个间等左好耐都无位, 见哩间有位就唯有将就下啦! 坐低无耐就落order, 等了15分钟, 见仲未有野来, 追下佢啦..个侍应同我地讲帮我地跟下, 但见佢转头就去左招呼其他人客, 完全唔似有帮我地跟进, 我地再同另一位侍应讲, 个侍应无行埋来, 系相隔1张台距离应左我地(其实佢系唔系听到我地讲都唔知), 跟住等多阵, 见到迟过我地来嘅人客d野食都送来, 但反而我地一样野都未到, 我地再揾帮我地落单嘅侍应问下, 佢先攞d野饮来, 个d野饮好似啫喱沟水咁, 跟住同佢讲我地d野食都未来, 佢先去帮我地睇下, 见佢返来个样有d奇怪, 我地再找一个睇落高级d嘅来问下, 经佢查过原来个侍应张单写得唔清楚, 只清楚见到"蒸饭", 所以只做了这个饭, 其他都无做, 当时十分气愤, 唔清楚都唔问下, 我地即刻投诉同埋同佢讲我地赶住返工唔食啦, 预备走人之际, 个蒸饭先来, 我地当然唔要即走啦! 足足等左30分钟, 咁嘅服务, 唔洗旨意我地会再去!