海皇粥店 (粉嶺名都商場)

营业中

休息中

我平时比较少食粥， 尤其是喺夏天嘅时候 ，热辣辣唔会想食粥。咁啱呢排食咗好多大鱼大肉所以谂住清清地清肠胃食番碗粥。附近净系得海皇呢间粥店. 叫咗个双拼粥，皮蛋茄鱼片外卖 。 可能因为唔系生滚粥所以等咗两分钟就有 。唔知系咪外卖嘅关系，碗粥好细，真系超级细。皮蛋切到好细粒， 食落已经冇晒皮蛋嘅味道 。 但系都算叫做正常。个问题出系鱼片度，首先鱼片得三，四块，仲要食落好腥。 我系平时咩鱼都食既人，但都觉得好腥，仲好咁似唔够熟咁。 除左腥，仲超多又短又碎嘅骨， 碎到差啲吞咗几条落肚。 平时喺其他地方食鱼片粥都冇咁样。。 如果 下次食 应该会拣返啲稳阵少少嘅粟米肉碎或者艇仔粥就算。