影片
更多
2021-09-14
788 浏览
店员态度差 食物质素好差🤮 我真系唔清楚porterhouse系乜，所以就问个应该系经理嘅女士porterhouse 系牛嘅边部份，有咩特点。佢就黑晒面咁话咪啫系porterhouse啰，我再问咁啫系牛嘅咩部位，佢就答我系rip eye嘅一种。之后我就order咗一份Porterhouse。 另一位女店员拎到过嚟就问我哋使唔使叫厨房同事切开佢，我哋话要，之后佢就拎返块porterhouse入厨房。拎咗入厨房之后我哋等咗差唔多10分钟佢先拎返出嚟，然后成块扒已经冻哂。冻都算，唔知点解块扒系可以又冇肉味又冇油香🤮仲要明明我哋系叫medium，但系块扒唔知点解可以有一边煎到rare咁，另一边就medium well至well done咁🤯（rare𠮶边冇影到，食到另一边见到咁熟先影）（btw之后我上网search返porterhouse应该系tenderloin同sirloin嘅部位嚟） 另外佢叫呢个牛扒系有跟薯条嘅，啲薯条系麦当劳幼身𠮶只，一食落口⋯⋯哗！仲难食过麦当劳。啲薯条系炸到干晒，中间完全空心，用叉一拮就断开😵问个应该系经理𠮶位女士，啲薯
我真系唔清楚porterhouse系乜，所以就问个应该系经理嘅女士porterhouse 系牛嘅边部份，有咩特点。佢就黑晒面咁话咪啫系porterhouse啰，我再问咁啫系牛嘅咩部位，佢就答我系rip eye嘅一种。之后我就order咗一份Porterhouse。
另一位女店员拎到过嚟就问我哋使唔使叫厨房同事切开佢，我哋话要，之后佢就拎返块porterhouse入厨房。拎咗入厨房之后我哋等咗差唔多10分钟佢先拎返出嚟，然后成块扒已经冻哂。冻都算，唔知点解块扒系可以又冇肉味又冇油香🤮仲要明明我哋系叫medium，但系块扒唔知点解可以有一边煎到rare咁，另一边就medium well至well done咁🤯（rare𠮶边冇影到，食到另一边见到咁熟先影）（btw之后我上网search返porterhouse应该系tenderloin同sirloin嘅部位嚟）
另外佢叫呢个牛扒系有跟薯条嘅，啲薯条系麦当劳幼身𠮶只，一食落口⋯⋯哗！仲难食过麦当劳。啲薯条系炸到干晒，中间完全空心，用叉一拮就断开😵问个应该系经理𠮶位女士，啲薯条硬到咁系咪正常，佢竟然答我哋 系呀我哋啲薯条系偏硬🤷🏻♂️最尾佢都有叫厨房炸过第二份俾我哋，我哋先食到一份正常麦当劳质素嘅薯条🥲
最后叫咗两个甜品同一杯饮品，一个Earl grey cake ，完全食唔到有Earl grey味，少少bergamot或者black tea嘅味都冇，食落口个质地同味道都好似牙膏，我同我啲朋友三个人每人食咗一啖仔就冇再食，我哋一向都唔会浪费食物，不过真系难食到摆唔落口。另一个red velvet cake，都系冇red velvet味，红色𠮶部份食落就系一旧干争争嘅海绵蛋糕，奶白色𠮶部份就好淡嘅cream加鱼胶粉咁，不过都勉强食得晒嘅。杯饮品我哋叫咗Oreo milkshake，都系冇乜Oreo味冇乜奶味，一嚟到就好稀，不过都饮得落嘅。其实佢啲蛋糕都50几蚊一件，啲五星级酒店嘅饼店例如mandarin cake shop 或者island gourmet都系收呢个价，当然我都冇预佢会好似𠮶啲饼店咁好食，只系谂住喺度食嘢顺便食埋甜品，但系真系冇谂过会难食到咁🤢
题外话，用餐嘅途中有个小朋友一直喺铺面跑嚟跑去，一时又跑入类似员工休息室嘅地方，一时又跑去菜口（厨房放嘢食𠮶啲位）食嘢。𠮶位应该系经理嘅女士就不断闹个小朋友，听佢哋嘅对话各位小朋友应该系佢带嚟嘅，唔系其他客人嘅小朋友。其实都几骚扰到在座嘅客人，成餐饭就喺度听佢系咁闹，个小朋友就系咁跑。
另外，𠮶度间铺唔大，𠮶晚都唔系full，人手就好似有三个定唔知四个waiter/waitress。但系间铺啲人做嘢全部都慢动作咁，有样嘢要赞嘅就系女店员好勤力咁帮手斟水😀但同时厨房煮好啲嘢食就放晒喺菜口，一大堆嘢食放喺度都冇人出餐。到厨房系咁揿钟仔，系咁叮叮叮，个女店员先施施然咁行过去慢动作出餐。我唔知三四个楼面做咁细间铺系咪叫人手唔够啦，但系就算人手唔够都好，做嘢都应该要分返缓急先后挂？斟水真系重要过出餐？啲嘢食放到冻哂㖞。同埋间铺应该系收22:00
嘅，不过大约21:40我同朋友戴紧口罩拎紧嘢准备走，啲嘢都未拎起哂，𠮶位应该系经理嘅女士就劲大声咁吩咐女店员话，快啲执枱啦！唔使收工呀？
张贴
