SUKIYA すき家

营业中

休息中

今日行过青衣城见到Sukiya冇咩人排队，就排队入去食。当时系早上10:15，叫完餐都正正常常，点知再望下四边漏发觉出事。所有人都坐低咗，都点左餐但系就冇嘢食，系成间餐厅啲人都等紧餐。职员系有3、4个既但好似厨房冇嘢出。再过多10分钟啲人开始鼓噪，有d人甚至喺度闹。再过多一阵，开始有餐出，但奇怪比我迟入嚟嘅人都有餐，其他客又开始鼓噪。我再俾啲耐性睇多阵，睇吓会唔会有餐出俾我，我再等多10分钟都系冇，俾我迟入嚟嘅客食完下一批人客都有餐出，其实当中我已经吹过啲职员几次但系都冇用，啲职员都走来走去好似好辛苦，但系无餐出又唔跟order次序出餐就点都系有问题，系人手唔够定系厨房唔够人我就唔知。最后等咗差唔多35分钟我顶唔顺我就取消咗单就走。其实真系唔够人或暂厨房有嘢坏应该cut 人龙，因为我走嘅时候仲有好多人喺度排队，我唔敢想像佢哋要等几耐先可以有餐出到俾佢地。成件事冇人同我解释发生咩事，早餐来来去去都系𠮶几款，我嗌果样早餐要特别精心调制，或者要长啲时间准备我唔信啰，所以我会好长时间唔会再帮衬佢，成个体验好差。