影片
更多
2018-04-24
799 浏览
好多时经过,都没有进入试,因为睇见门口餐牌,款式丰富和睇落相当有份量有朋友一齐,可试多D款,今日终于有机会了!!和纸美来食生日饭,纸美系个韩迷,所以啱晒佢餐厅空间好濶,枱櫈都好大张,感觉好舒服可能我地早到,所以餐厅只得两三枱客,我地就拣左窗边位置坐下,原以为有服务员来点餐,望下望下先知原来系快餐店…仲傻傻的等去到收银台,望住个餐牌点菜,谁知原来收银员系个韩国人…真系眼都大埋,我地唯有在餐牌上指指点点咁落单,佢都好友善咁配合我(唔问太多)佢只系用简单的英语单字加手势来表达,幸好我可明白佢意思服务员表示我地的餐有连饮品,我们其实唔系太好冰饮,但为庆祝纸美牛一,我地都破天荒的点了两杯特饮来掽下杯..另加两只吉杯来’’走冰’’…最后我地点了蛋卷,香辣牛肉汤饭,牛肉紫菜饭卷,炸鸡(原味同香辣)转头服务员就送上小小前菜,噢…真系好少~哈~!始终唔算系正宗的韩式餐厅,一来便有10小碟吧~!之后各款美食排住队上枱了~蛋卷 – 一上枱就爱上左佢啦~大大件的,感觉厚厚实实,好有份量,一夹开更系一绝~唔理佢系即整定系反叮,一来开都有浓郁的芝士在拉扯,相信如非等埋一齐先影相,效果会更加惊人!!一入口,那份蛋香
有朋友一齐,可试多D款,今日终于有机会了!!
和纸美来食生日饭,纸美系个韩迷,所以啱晒佢
餐厅空间好濶,枱櫈都好大张,感觉好舒服
可能我地早到,所以餐厅只得两三枱客,我地就拣左窗边位置坐下,
原以为有服务员来点餐,望下望下先知原来系快餐店…仲傻傻的等
去到收银台,望住个餐牌点菜,谁知原来收银员系个韩国人…真系眼都大埋,
我地唯有在餐牌上指指点点咁落单,佢都好友善咁配合我(唔问太多)
佢只系用简单的英语单字加手势来表达,幸好我可明白佢意思
服务员表示我地的餐有连饮品,我们其实唔系太好冰饮,但为庆祝纸美牛一,我地都破天荒的点了两杯特饮来掽下杯..另加两只吉杯来’’走冰’’…
最后我地点了蛋卷,香辣牛肉汤饭,牛肉紫菜饭卷,炸鸡(原味同香辣)
转头服务员就送上小小前菜,噢…真系好少~哈~!始终唔算系正宗的韩式餐厅,
一来便有10小碟吧~!之后各款美食排住队上枱了~
蛋卷 – 一上枱就爱上左佢啦~大大件的,感觉厚厚实实,好有份量,一夹开更系一绝~唔理佢系即整定系反叮,一来开都有浓郁的芝士在拉扯,相信如非等埋一齐先影相,效果会更加惊人!!
一入口,那份蛋香和芝士混埋一齐,加埋上面的凉凉的沙律浆,又凉又热的,真系又简单又美妙!!
香辣牛肉汤饭 – 牛肉汤真系好重牛肉味,我想可能加左师夫,纸美就觉得系坚牛肉香,虽则唔知系真假,那种味道就系令人想饮多两啖!至于辣的感觉就欠缺少少,可能我们都比较好辣,所以应该可以再强一点,但基于唔敢同异国姐姐沟通,所以只好话比自己听,放弃辣吧..
牛肉入口感觉好淋,好松,幸好唔会好韧,最怕咬极都咬唔开𠮶种感觉, 只系肉的份量就少左D,每人分到3件麻雀大小的肉~仲有少少高丽菜伴住,多菜少肉…感觉都唔错~
牛肉紫菜饭卷 – 睇落除左大大件之外,好似冇咩特别.突晒出黎的头头尾尾部份,都比佢地摆到好有设计,用尽所有材料,一D都唔会浪费!!建议张开咀巴到最大,才可以一整件放入口,如分开两次的话,D馅会跌晒出黎! 在口中再慢慢将其分散,感受不同材料的味道,食落紫菜的感觉….唔似得日本寿司咁要求,紫菜入口会爽脆声,明显是淋的,但又唔似系雪柜拎出黎冻冰冰,所以相信系即做的~!好欣赏佢的牛肉,调味相当恰当,唔会掩盖牛肉本身的香味,配合埋新鲜的青菜,简单,唔错!
炸鸡(原味同香辣) -炸鸡上枱呀~好大碟呢~~ 这一向都不是我的选择范围之列,
只因纸美牛一,而佢又觉得要试一下, 所以点了一份, 估唔到有咁多呢~~ 餐厅内炸鸡有4味可选,但混合点的话,同一份炸鸡只可点两款口味, 所以我地选了原味同香辣,相比起快餐炸鸡之王KXC,呢到明显唔系那回事,原味的话….除了面头的炸粉炸得脆卜卜之外, 鸡肉本身真的没太重的调味,就连味精的感觉都唔明显…幸好我地仍知道自己在食炸鸡;
香辣味的话,感觉会到位一D,因为炸鸡里里外外都被韩式的香辣粉重重包裹,满以为只有外层如是,一撕开,鸡肉都系红色的,就知绝不欺场!!奇妙的是,即使系咁,食落的感觉唔似食四川的辣咁强烈,知道自己系食紧咩!!虽则话冇食四川菜咁强烈,但都唔好太睇少,那种迟来的辣味,就在口舌和喉咙之间来来回回,偶然要饮啖水凉快一下!
可能我们选的日子是平日,所以客人唔算多,即使坐满了8成,都不会很嘈吵,我很欣赏
这餐厅很自助,客人可以拿杯子去饮水机到加水,任加唔嬲,而且这里没有限时,我们饮饱食醉了还可以在放空发呆吹水~
店舖的洗手间设备当令人满意~~男厕各有一大格,干净又唔迫,仲有D摆设!!有足够的通风系统 ,整体令人满意~最开心系唔洗经过湿滑的厨房重地!
总括黎讲..出品唔错,绝对系KILL TIME 好地方~!值得再去~!
牛肉紫菜饭卷
$50
77 浏览
0 赞好
0 留言
蛋卷
$80
34 浏览
0 赞好
0 留言
炸鸡(原味同香辣)
$150
28 浏览
0 赞好
0 留言
香辣牛肉汤饭
$80
46 浏览
0 赞好
0 留言
张贴
