Starry Night (已結業)

食完我同老公都食物中毒，發燒，上吐下瀉🤮🤮再講食物質素：本身生蠔質素可以接受，但係開得好差，好多蠔殼碎，要一邊食一邊吐出蠔殼碎片🤦‍♀️🤦‍♀️🤦‍♀️唔係隻隻都有嘅，但至少三份一隻都有…好彩既可能唔會遇到…前菜本來原本有煙三文魚，但原來轉左八爪魚🥲牛扒好鞋，羊架好羶。我本身都好鍾意食羊，唔會抗拒一般既羶味，但呢度嘅羊架過半是脂肪，一上枱已經羶味濃烈，放入口有立刻想吐的感覺….店員話係特色嚟㗎！佢哋嘅羊架出名之處就係特別羶！其他客人好鍾意！咁應該係我個人問題啦，大家一定要試吓！