青花 (THE FOREST)

呢间旺角新派泰国菜 我已经encore过好几次。除左味道OK，环境舒适，价钱合理，最主要系因为地方就脚 (基本上系港九新界朋友仔嘅中心点)。青花设有全日套餐，主食 + 饮品 + 小食 $88，真系自己一个黎食都无问题。▪️泰式虎虾金边粉 $138金边粉酸酸甜甜，软硬适中，唔会炒到痴埋晒一pat，镬气多啲既话会更好。捞埋豆腐条、花生粒、蛋碎、芽菜，口感唔会好单调。虎虾大大只，但就偏干左啲。▪️蓝蝶花蟹肉菠萝炒饭 $138呢碟菠萝炒饭虽然无菠萝装住，但摆盆都几靓，打卡唔错呢~ 蓝色嘅炒饭加有唔少酸甜菠萝同提子干，口感丰富，但就相对较甜同唔够干身。强烈建议捞埋肉松一齐食！香口啲之余，仲可以中和其甜度同湿度。不过面头嘅蟹肉就一般啦，少鞋无乜味。旁边嘅菠萝超加分 好甜好多汁！▪️荔枝菠萝红咖喱大虾 $128红咖喱微辣带椰香，四只大虾去左壳，虽然无金边粉个只咁大，但就有虾味啲爽啲~ 个人几钟意佢嘅荔枝，香甜多汁，同咖哩意外地搭。当中更有茄子、秋葵、菠萝、腰果等配料。但唔知点解食到最后有少少苦▪️油酥手抓薄饼(3片) $52食咖哩又点可以唔嗌薄饼！手抓薄饼酥脆不失松软，唔会太干硬带层次感。拎起手搣都几油吓，