The Point (已結業)

为帮姊妹报120蚊之仇，今次嚟到案发现场铜锣湾The point 享受美食，哈哈哈哈。今次与好姊妹琼姐开怀畅食，先叫会set lunch 有意大利香草烤茄子沙律及香蒜辣椒白酒大蚬扁意粉。WOW...意大利香草烤茄子沙律，烤茄子好甜，没有很重烧烤嘅㶶味，加上醋汁配沙律菜，相当开胃。香蒜辣椒白酒大蚬扁意粉，真系好香香辣辣，惹味非常，大蚬超鲜甜， 扁意粉软硬度适中，食到我同琼姐高举大拇指。 跟住琼姐话好想食龙虾芝士通粉，因为好姊妹就系败佢手上。经厨房精心烹调，卖相美丽的龙虾芝士通粉用铁板煎plan上抬，单睇卖相已经攞满分啦～味道仲。。。。。超级美味， 龙虾肉质弹牙， 通粉烟韧，每粒通粉都沾满龙虾汁，好香浓呀～琼姐仲食到要自拍食相放系IG story, 公开滋味食相，引诱未食饭或已食饭嘅好朋友，机心多重啊～甜番薯条配香辣沙律酱， 番薯条炸得香香脆，滴油不沾，梗系要用手食，好食到连仪态都不顾。至于杯餐饮，菠萝特饮都算ok。埋单都系共3百几蚊，每人约200蚊有找，价钱算合理，而且仲好好食添。