咖喱至尊

营业中

休息中

舖位较细，只放到四张小圆枱，幸好空气都够流通。粉葛汤，是晚例汤，够清甜，唔觉有味精呢，好好饮㖞。西兰花炒鲜鱿，西兰花好爽甜啊 ﹗鲜鱿未够爽口，口感咽咽靭靭，依碟菜都几好既。食二人套餐包一个咖喱一个小炒两碗白饭连饮品 HKD100 有找，都好抵食。巴基斯坦咖喱牛腩大辣，牛腩炆得又棉又腍又入味 ﹗推介 ﹗劲喜欢印巴咖喱既浓郁，多种香料味道丰富，激辣由胃开始散发全身，每次都食到全身发滚，连头皮都滴汗，好正呀 ﹗一碗激辣咖喱可以送到两碗饭呀 ﹗印度薄饼，一份得两块。估计系微波炉叮热既，无可能系即做啦 ﹗热辣辣咽咽靭靭，朋友仔爱撕出黎点咖喱汁，我就钟意卷住牛腩加大量咖喱，好好味 ﹗不过会食到周围都系啰。