明德清湯腩

营业中

休息中

误打误撞（本来行去青山道求其揾d野食，食完行番出去搭车走），阿姐见到门口有客，即刻开门话清汤腩同咖喱都好食，竟然揾到好野！！！！好惹味㖞D咖喱！本人是咖喱爱好者，觉得呢度既咖喱好岩口味，叫左个咖喱五宝中辣：牛腩，牛筋，牛肚，牛脷，牛尾，五款食材，全部都软淋入味真系炆得唔错，五样野既炆煮时间都唔同，但系拼埋一份咁出，有口感又入味，就算全部都系冻肉，整到咁都水准以上。推介！个份量绝对对得住个价钱！$75＋$10有冻饮。唔够饭可以叫阿姐加。如果要形容咖喱个质感/口感/味道，似佐敦某老店既咖喱，不过佐敦既份量比较少同价钱贵，味道就好近似。睇到隔离枱既清汤腩及茄汤米线卖相亦不俗，闲日既8点左右唔算多人，入嚟食既似熟客居多（餐牌都唔洗睇），楼面阿姐又大力推介牛面肉（佢话牛面腩），钟意食牛既可以一试。