影片
更多
2023-02-07
442 浏览
农历新年要清假，所以可以平日中午出去食好西😋。我哋拣咗想食好耐嘅「Braza Churrascaria Brazilian Steakhouse」，餐厅位处于中环兰桂坊，中午时份不乏附近嘅上班一族。餐厅环境光猛开扬，店内装修满有南美森巴气息🌺🦜，店员全部都系外藉人士，要用英文沟通，但佢哋都几友善。餐厅设有巴西风味嘅自助午餐Brazilian Style Lunch🇧🇷，每人承惠$158，包多款前菜、沙律、冷盘同热食等。不过一场嚟到呢度，又点可以错过佢哋嘅烧肉呢？每人额外加多$98就可享任食烤肉Churrasco🍖，所有嘢夹夹埋埋人均$300有找，喺中环区食个三道菜午餐都要差唔多价啦。我哋坐低冇耐，店员先为我地送上面包篮🥖，入面有牛油餐包同芝士条，面包软熟、暖笠笠。如果唔系有咁多嘢食，我哋会Encore。先讲烤肉部份，枱面上有一个圆形垫，绿色𠮶面写住I am still Hungry，店员见状就会自动自觉拎住啲肉走埋嚟🤣。我哋好贪心，样样都食，所以进食过程好忙碌，哈哈。枱上有两款酱汁，分别系经典阿根廷青酱Chimichurri🌿同唔辣嘅红椒酱(?)。店员出动频率高，所以我哋前前后后应该食
农历新年要清假，所以可以平日中午出去食好西😋。我哋拣咗想食好耐嘅「Braza Churrascaria Brazilian Steakhouse」，餐厅位处于中环兰桂坊，中午时份不乏附近嘅上班一族。
餐厅环境光猛开扬，店内装修满有南美森巴气息🌺🦜，店员全部都系外藉人士，要用英文沟通，但佢哋都几友善。
餐厅设有巴西风味嘅自助午餐Brazilian Style Lunch🇧🇷，每人承惠$158，包多款前菜、沙律、冷盘同热食等。不过一场嚟到呢度，又点可以错过佢哋嘅烧肉呢？每人额外加多$98就可享任食烤肉Churrasco🍖，所有嘢夹夹埋埋人均$300有找，喺中环区食个三道菜午餐都要差唔多价啦。
我哋坐低冇耐，店员先为我地送上面包篮🥖，入面有牛油餐包同芝士条，面包软熟、暖笠笠。如果唔系有咁多嘢食，我哋会Encore。
先讲烤肉部份，枱面上有一个圆形垫，绿色𠮶面写住I am still Hungry，店员见状就会自动自觉拎住啲肉走埋嚟🤣。我哋好贪心，样样都食，所以进食过程好忙碌，哈哈。枱上有两款酱汁，分别系经典阿根廷青酱Chimichurri🌿同唔辣嘅红椒酱(?)。
店员出动频率高，所以我哋前前后后应该食咗七至八款肉🥩，老实讲详细部位就唔太记得清楚，不过每款肉都各具特色，而且真系烧得好靓，火候啱啱好。店员切出嚟嘅时候，肉身呈嫩粉红色💕，而且仲充满肉汁。
Picanha
24 浏览
0 赞好
0 留言
如果我冇记错，好似有食咗西冷Sirloin同封门柳Hanger Steak。由于切得够厚，所以食落好够口感。店员温馨提示啲肉要切完趁热食🙈，其实我影完即刻食㗎啦。
另外我亦食咗Flank Steak，牛腰肉脂肪较少，食落肉味较弱，冇其他几款咁吸引，又或者可能因为系尾段🤔。
Dingley Dell Pork Rib Eye
4 浏览
0 赞好
0 留言
猪肉眼Dingley Dell Pork Rib Eye🐷，猪扒肉质难得唔嚡，而且肥瘦分明。我亦好欣赏厨师生熟度处理得好好，猪一定唔可以生嘛。
香肠Pork Sausages🌭，香肠非常粗大，一条一个人冇可能食得晒，好彩店员会问你想要几多。香肠肉质几爽，咸香味浓、唔过火。
鸡翼Marinated Chicken Drummets轻轻腌咗味🍗，鸡皮微脆，肉质细嫩，但未有太大惊喜。
食到咁上下，我哋都差唔多，所以枱上面个垫就转向红色𠮶面No More Thank You⛔️🙏🏻。
下半部份就讲自助餐All-you-can-eat，餐厅中间有一大张长枱放满食物，食物会不断补充，所以可以慢慢食，唔使急😉。同时，卫生情况良好，食物无跌到周围都系。
冷盘嘅菜式几吸引，包括有🥓风干火腿Parma Ham、🐟吞拿鱼生鱼片Tuna Tiradito、鸭胸Duck Breast同🧀大芝士Emmental Cheese等。
沙律亦有多个款式🥗，例如有🥔薯仔沙律Potato Salad同藜麦Quinoa Salad。当然佢亦有原味沙律菜同酱汁自己组合Mix and Match。另一边厢，海鲜就唔算多，但有鱿鱼🦑同青口，两者都几新鲜。
自助区仲有其他开胃菜同食物，我哋每样都试咗啲。呢餐食咁多肉，好彩都叫做有啲蔬菜中和一下，包括南瓜🎃、茄子🍆、酸黄瓜🥒、青瓜同烧杂菜🥦等。藏红花饭Saffron Rice用上印度香米，米粒长长的，够干爽🍚。牛脷Beef Tongue浸泡油内，佢同长通粉Pasta一样，调味偏淡，一般般。
热食方面🔥，我哋试咗红萝卜汤Carrot Soup🥕、慢煮黑豆炖肉Slow-cooked Feujoada同蒜蓉饭Garlic Rice。蒜蓉饭带微微油香🧄，唔油腻；而炖牛肉就颇特别，味道出奇地唔咸，啲豆炆到腍晒🫘，食落都几饱肚。
饭后甜品要另加钱，不过水果就系任食，当中有蜜瓜、哈密瓜🍈、西瓜🍉同菠萝等🍍，全部都甜甜的。
我哋嗌咗两杯特饮($78)，分别系Brazilian Lemonade同Avocado Lime Smoothie，两杯都同柠檬有关🍋，甜度适中，饮落好清爽！前者系巴西特色嘅柠檬特饮，外面有多一层白色汽泡。另一杯系青柠牛油果沙冰🥑，牛油果肉打得好溶，饮落还原度高。
总括嚟讲，我哋第一次食巴西菜，感觉同阿根廷菜以及秘鲁菜有啲相似，共通点都系疯狂食肉😜，你睇美斯世界杯为咗食烧肉 住大学宿舍就知乜料啦。我认为呢个价钱可以喺中环区任食，其实真系唔算贵，如果系食肉兽嘅话，不妨一试啊！
张贴
