Applegreen (已結業)

之前听朋友讲过呢一间餐厅都几好味，环境都几好，所以今日就同朋友相聚呢度试吓。我哋叫咗个二人套餐，包括左两杯饮品，一个前菜，两个主菜。另外我哋都叫咗个炸薯条。前菜叫咗杂菇沙律，卖相就唔系太靓。不过炒杂菇好香蒜香味，所以都几好味。啲沙律菜都算新鲜，食落去都好爽口。主菜就叫咗巴马火腿薄饼，佢系薄批，所以食多几件都唔会好济。巴马火腿唔会好咸，味道啱啱好，上面都仲有少少香草，所以好清新。另外叫咗个忌廉松露意大利粉，忌廉味好重好creamy，意粉亦都唔会太淋，好爽身，都几好味。炸薯条有好多辣粉，所以好惹味，炸得好脆，佢系幼薯条。最后埋单每人大约＄200，不过都坐左成两个钟，唔会赶你走