影片
更多
2021-03-13
3869 浏览
被华尔街日报评为巴黎最好食嘅牛角包Gontean Cherrier2019年系尖沙咀K11 Musea 开设香港第一间分店，GC系2010年法国开创首间分店之后系九年间已经系日本、首尔、新加坡、澳洲等地方迅速扩展，系全球开设超过 50 间分店，当中主打既牛角包一日销售量可以卖到1,000个。今次呢间香港GC分做4个区域，分别系面包店、餐厅、Coffee Corner同自设既开放式面包工场，设有开放式厨房，边排队可以睇到师傅整面包之余，仲闻到新鲜出炉嘅面包香味，而且可以睇准新鲜出炉时间即刻夹走新鲜既面包。除咗有人气口味之外，好似抹茶、亚麻籽、原味、芝士火腿、朱古力杏仁，仲有香港限定嘅蛋白霜红桑苺牛角包。除咗面包都有好多款法式甜品同咖啡，好似云呢拿焦糖法式冻饼、开心果焦糖冻饼，而且仲有提供热食同饮品嘅Cafe同餐厅。-排队当日系星期日，下昼嚟到见到一条人龙大概有10个人，以为要排好耐好似bakehouse，但人龙去得好快，可能因为依间系大家拣好咗去俾钱，而bakehouse系去到先拣，所以排咗几分钟就去到cashier。另外一提GC有小小立食区既位置，如果想买完即刻食唔想去CAFE或者餐厅
被华尔街日报评为巴黎最好食嘅牛角包Gontean Cherrier2019年系尖沙咀K11 Musea 开设香港第一间分店，GC系2010年法国开创首间分店之后系九年间已经系日本、首尔、新加坡、澳洲等地方迅速扩展，系全球开设超过 50 间分店，当中主打既牛角包一日销售量可以卖到1,000个。
今次呢间香港GC分做4个区域，分别系面包店、餐厅、Coffee Corner同自设既开放式面包工场，设有开放式厨房，边排队可以睇到师傅整面包之余，仲闻到新鲜出炉嘅面包香味，而且可以睇准新鲜出炉时间即刻夹走新鲜既面包。
除咗有人气口味之外，好似抹茶、亚麻籽、原味、芝士火腿、朱古力杏仁，仲有香港限定嘅蛋白霜红桑苺牛角包。除咗面包都有好多款法式甜品同咖啡，好似云呢拿焦糖法式冻饼、开心果焦糖冻饼，而且仲有提供热食同饮品嘅Cafe同餐厅。
-
排队
当日系星期日，下昼嚟到见到一条人龙大概有10个人，以为要排好耐好似bakehouse，但人龙去得好快，可能因为依间系大家拣好咗去俾钱，而bakehouse系去到先拣，所以排咗几分钟就去到cashier。
另外一提GC有小小立食区既位置，如果想买完即刻食唔想去CAFE或者餐厅可以一试，不过记得保持社交距离!
-
1️⃣ 原味牛角包 💰24（👅: 9/10）
呢个牛角包可以咁出名，因为制作方法一丝不苟，师傅用上法国面粉同牛油制成面团，令牛角包角系烤焗过后有浓浓牛油香，而且会用急速冷冻面团技术令面团发酵3-4个钟，令面团内部保持松软度，最后加上蛋浆，放入摄氏170°C既焗炉焗20分钟就完成，而且师傅会调校室内温度保持20°C左右，令到面团保持湿润。
原味牛角包
$24
54 浏览
1 赞好
0 留言
未食落去个刻已经知同其他croissant有分别，从外观睇到已经系好有层次口感，
每层分明而且超薄嘅酥皮，咬落去一定系酥脆既牛角包，烘到系平均既金黄色，完全无油令令，卖相一定系我见过最靓既牛角包。
牛角包咬落外层非常酥脆，内层松软，质感轻盈但系口感有层次，牛油味有小小但唔算好劲，够干身，唔似平时牛角包好油又湿，内馅既蜂巢位就唔算平均，
不过感觉系要即场买即场食，如果买到返屋企应该就冇咁酥脆。
-
2️⃣ 朱古力杏仁牛角包💰32（👅: 9.5/10）
朱古力杏仁牛角包
$32
42 浏览
1 赞好
0 留言
上述所讲既牛角包质感依然系度，本身无特别期望不过朱古力杏仁同牛角包出奇地夹，牛角包表面有好多杏仁片同糖霜，杏仁片份量几多，杏仁就系包既内馅。表面既杏仁片食落好香脆，同入面既杏仁馅里应内合，杏仁味够浓郁，不过味道就会比较甜D，同因为有内馅所以偏湿，不过对我黎讲口感同味道都有惊喜，而且食落唔咁腻，会比起原味牛角包更加想ENCORE。
如果本身钟意食杏仁或者朱古力，或者钟意食甜D既，会更加推介呢个口味比起原味，如果净系想食酥皮既口感同多小小牛油香就食原味会好D。
-
🌟不论系bakehouse定系GC既牛角包都系好好食，各有千秋，但以易买既程度我一定会拣GC，因为呢家次次次经过bakehouse都见到最少20人既人龙，有时更甚有40-50人，要等成10几20分钟仲要唔知排到去买唔买到，但GC既人龙5分钟内就排到，而且有工场，牛角包从不缺货，净系呢点已经满足到我想食好食既牛角包既想法。
如果下次我会试红桑苺牛角包、scone、法式焦糖奶油酥、苹果批。
快速总结:
原味牛角包: GC牛油味较重，Bakehouse内馅层次多D，做法传统D
价钱Bakehouse > GC
想食非传说口味既牛角包 > GC
唔想排咁耐想食牛角包 > GC
想食牛角包+Scone > GC
想食牛角包+葡挞 > Bakehouse
-
👅味道: 9.5/10
🍴环境: 8/10
💰消费: $56 (服务费: NA)
张贴
