都市樂

营业中

休息中

之前跟朋友喺条巷仔到食过一间韩国小店，今次嚟开呢头再嚟食多次😋😋叫完嘢食即刻上咗6款前菜，重要款款都唔同。个泡菜偏酸，其他都好好味。听讲系店主自己整，每日都会变，好有心！跟住叫咗个汁煮猪肉，份量都唔少，每嚿猪肉都大大嚿，食落又唔会太韧，味道偏甜。本来想试吓炙烧牛肩胛肉，但去到嘅时候已经卖晒，唯有转食秘制炆牛肉。比我想像中多肉，有成5嚿，重要每嚿都大大嚿。牛肉食落淋淋地，好有牛味，味道甜甜咸咸，拎嚟送饭一流。每次食韩国嘢都一定会叫炒粉丝！呢到只系要50几蚊，大大碟！整体嚟讲唔错，味道偏甜，份量都唔细，下次早d嚟试埋佢d咖啡餐牌：