Pho Bar (已結業)

一间深藏于小巷嘅越南餐厅，虽然菜式唔多，但系每一样都好有心机。因为样样都想食嘅关系，所以就叫咗碗至尊，有生熟牛肉片、牛肉丸、牛腩、牛柏叶、扎肉，而汤底非常浓郁，应该系用牛骨淆制而成，可以除自己嘅喜好加入柠檬汁同辣椒，份量一啲都唔小。餐厅嘅炸物系即叫即炸，所以春卷非常之香脆，而最有特色嘅系爆炸鸡，原来系炸到外脆内嫩嘅炸鸡，仲有三种唔同嘅特色酱可以点，他他酱，蟹子沙律酱，同秘制酱，我最钟意就系蟹子酱，酸酸地又带种咸香。