串酒里 (已結業)

朋友话想食串烧，公司附近揾到间好隐蔽既，系条巷入面，仲有手工啤，不过揸车唔饮得，唯有叫zero串烧选择十分多，仲有海鲜，而且有不同口味，唔会串串出黎都一样口味。因为当晚餐，我地都点主食为主，鸡翼，鸡软骨，原条茄子，系串烧必点吧。呢度仲有啲特别啲既野，蜜糖豆卜，烟肉荔枝串，芝士烟肉大啡菇，盐烧秋葵，超正。玉子烧同黄金薯条都系少见，即炸薯条加上咸蛋黄，如果再多啲咸蛋王仲正呀！玉子烧就甜甜地，热食会好味啲。最后推介必食一定系牛舌同猪仔脾，个牛舌好厚切，香口，有油脂，而且好牛味，十分爽口惹味。猪仔脾大大只，啖啖肉而且个酱汁好正，好夹，烧到刚刚好外脆多汁，好满呀。平日放工可以揾个地方同朋友品尝美食同倾计，真是一大乐事。啲串烧遂啲黎，一路倾一路食，时间真系好快过！