點·子·巷

营业中

休息中

依间小店喺条巷仔里面，地点有啲难揾，但系试过你就会知道系值得嘅。装修以粉红色玫瑰金同埋云石做主色，系我最钟意嘅颜色，食到食得开心啲。阿婆葱油鸡丝拌荞麦面: 见到其他blogger话系世界级好食，所以试下系咪真系咁正。虽然用简单便宜食材，但系调味酱汁香浓，配上嫩滑鸡丝，真系好有惊喜。之后嘅食客想叫嘅时候竟然卖唒，所以大家记得早啲黎呀溏心双蛋：半生熟膏状蛋黄，完全无蛋腥味。桂花酒香药膳鸡窝：真系好重酒香，饮完即系暖晒，鸡嘅调味比较淡，最后饮到一滴都无净。虾酱腩肉虎夹包：个包好松软，肥美腩肉配上咸香虾酱，好想encore多一个。罗汉果茶：饮得出系自家煲，真材其实料，好清甜。洛神花果茶：酸酸地，可以解油腻。