幸屋

营业中

休息中

今晚去湾仔食饭～朋友带咗我食一间超级隐世嘅日本拉面餐厅！虽然喺巷仔里面，但系依然都有好多识食嘅食客一早坐到满晒。我点咗一个黑蒜山药豚骨拉面，因为第一次食所以就圈左浓汤，但系建议如果钟意食开浓味嘅拉面嘅话，可以再叫超浓汤🍲拉面啲硬度都可以自己拣，流心蛋超级流心，非常之邪恶！汤底浓郁又唔会太油，推荐！朋友叫咗个酱烧牛肉饭，虽然价钱一百蚊左右，但系啲牛肉一啲都唔hea，食落好有烧肉嘅味道，亦都好软熟易咬个种～个饭底有甜甜嘅烧肉汁，整体我觉得饭都好正另外小食方面，我哋叫咗冻豆腐同埋唐扬鸡～特别推荐食呢个炸鸡，因为个烧汁甜甜地同沙律酱夹埋个炸鸡真系好正，大家嚟到一定要试吓！