影片
更多
2022-06-03
294 浏览
好耐冇写过食评，因为呢间实在太正，要好好写一下，是日一行三人黎到呢间餐厅午餐，因为帮朋友庆生日，提早book位，仲拣左户外帐幕位，如果要坐帐幕位真系要提早book好，佢好full，佢帐幕位设最低消费要最少500蚊。因为去到未开门，但已经唔少人排队等入，所以即使book左位，都要预早啲啲到拎位。因为系观塘工商厦内，佢门口都平平无奇，但一入到去会有种别有洞天既感觉，成个人眼前一亮，一入到去会有千秋櫈打卡位。系千秋位附近只有三四张枱左右，算系室内位，行出去就系室外位，出边会有大量吊灯既室外位，仲有藤椅等等既打卡位，几靓！讲左甘耐终于讲到我是日要坐既帐幕位，帐幕位只有几个，所以提多次想坐一定要提早book，同埋室外嘅关系，预左会偏热啲，但好有glamping feel，仲要系观塘绿洲既感觉，正！虽然坐室外，但唔洗担心店员唔多理，因为店员间唔中都会行出嚟，而且用qr code自助落单，几方便！讲完环境，当然最重要都系食物啦！是日点左蟹籽蟹棒杂菜沙律、小食拼盘、烤法式牛扒100z跟薯菜、野饮点左粉碎性骨折、同埋帮朋友庆生日点少得蛋糕点左阿华田奶盖瀑布蛋糕，仲可以加钱系蛋糕上写字。先讲沙律先，菜都几
因为系观塘工商厦内，佢门口都平平无奇，但一入到去会有种别有洞天既感觉，成个人眼前一亮，一入到去会有千秋櫈打卡位。
系千秋位附近只有三四张枱左右，算系室内位，行出去就系室外位，出边会有大量吊灯既室外位，仲有藤椅等等既打卡位，几靓！
讲左甘耐终于讲到我是日要坐既帐幕位，帐幕位只有几个，所以提多次想坐一定要提早book，同埋室外嘅关系，预左会偏热啲，但好有glamping feel，仲要系观塘绿洲既感觉，正！虽然坐室外，但唔洗担心店员唔多理，因为店员间唔中都会行出嚟，而且用qr code自助落单，几方便！
讲完环境，当然最重要都系食物啦！是日点左蟹籽蟹棒杂菜沙律、小食拼盘、烤法式牛扒100z跟薯菜、野饮点左粉碎性骨折、同埋帮朋友庆生日点少得蛋糕点左阿华田奶盖瀑布蛋糕，仲可以加钱系蛋糕上写字。
先讲沙律先，菜都几新鲜冇苦味，蟹籽同蟹棒分量正常，冇过少情况出现，最中意有藜麦系上边，层次会更丰富，唔错！
蟹籽蟹棒杂菜沙律
$98
9 浏览
0 赞好
0 留言
再黎小食拼盘同我杯饮品粉碎性骨折，先讲野饮，接骨木花味略微唔够，同埋室外关系雪糕溶得快啲，不过因为薄荷青柠，整体几解渴。而小食拼盘，洋葱圈略嫌粉浆过厚同洋葱分离，鱼饼同炸鸡都几好味，薯条唔错系粗薯，最欣赏有唔同酱夹到唔同野食。
小食拼盘
$138
4 浏览
0 赞好
0 留言
甘是日主菜系烤法式牛扒100z跟薯菜，要左5成熟，烤得恰到好处，冇过熟情况，啲伴碟蔬菜烤到岩岩好，仲好多水分，薯条同样系粗薯够脆，最欣赏有烤蒜，将啲蒜唧出嚟果下好治愈，而且好香加左唔少食物嘅香气！唔点黑椒汁都好够味！几满意果main！
烤法式牛扒100z跟薯菜
$248
8 浏览
0 赞好
0 留言
甘去到庆生环节，店员好细心，蛋糕上前会帮我地换碟同餐具，而且只碟仲好靓添，果阿华田奶盖瀑布蛋糕好浓阿华田味，蛋糕层次分明，又唔会好甜，岩哂我呢啲好忌食太甜既人。
阿华田奶盖瀑布蛋糕
$98
11 浏览
0 赞好
0 留言
整体黎讲，呢到环境真系好靓，好清新嘅感觉，系观塘甘密集式既环境入边有一个喘息空间，帐幕位真系要试下，最低消费既限度都系可接受范围内，不过要留意黎紧夏天好热，如果坐室外要睇下自己受唔受到热😂 店员都系亲切有礼，服务唔错，食物质素都中上，值得一试！
张贴
