家上海 (奧海城三期)

营业中

休息中

屋企人搬咗去奥运，今日星期日去参观下佢屋企之后，就去附近行吓睇吓有咩食，见到奥海城呢间上海菜装修OK㖞Menu好多选择，价钱都OK，所以就拎咗飞等人位，大概7:00开始等，等咗大概半个钟，就有位啦！ （顺便提下大家，奥海城三期有诚品，等位期间可以带埋小朋友/大朋友去诚品行吓，睇吓图书精品，打发下时间。）我哋四个人，不过叫左差唔多10几样野，因为在座有住大西北的朋友，好少出奥海城食嘢，而今次亦都系我哋第一次食呢间上海嘢，所以我地尽量叫多啲试多啲。冷盘叫咗脆鳝，龙井虾仁，凉拌莴笋，主菜叫咗蟹盖炒糯米饭有超多蟹膏, 大家都一定要叫生煎小笼包，比传统嘅蒸小笼包好味好多倍，煎咗嘅小笼包外脆内软，仲有爆多汁真系好特别. 仲叫咗个汤系传统嘅上海汤，有笋有猪肉嘅汤唔记得咗exactly叫咩名不过大家睇餐牌应该就会见到，上碟时侍应会问使唔使分埋，咁我哋梗系话好啦，唔洗麻烦自己所以就四碗一人一碗咁上菜，硬件侍应都好均真，每碗都有荀及猪肉。饭后甜品系我哋首次出现分歧，大家都揸唔定主意叫乜好，样样都想试，结果叫咗三款甜品🍮，第一个系高力豆沙蛋球，第二个系奶黄萝卜丝酥，第三个系芝麻汤圆，如果你问我边一款会再en