裕鵝莊 (已結業)

好耐无食烧鹅，又唔想去咁远，所以就嚟到尖沙咀呢间裕鹅庄。裕鹅庄系由出名既深井烧鹅第三代传人开既。我地系平日六点钟左右去，所以到既时候都无乜人。深井烧鹅例牌 📌$160例牌有四份一只鹅，烧鹅既肉都几厚身，配埋块烧鹅皮食好满足。配埋既酱同平日食既酸梅酱有啲唔同，好似酸梅酱加咗啲是拉差辣酱咁，不过我都系钟意食传统酸梅酱多啲。鼓油皇灼鹅肠 📌$138鹅肠好够味，好爽口唔会好韧，食落有惊喜。鹅庄小炒皇 📌$118小炒皇几够镬气，入面有几款唔同既料。有鱿鱼、腰果、虾干之类，用嚟送饭都几好。黄金虾多士 📌$78虾多士有六件，除咗虾之外仲有咸蛋黄碎，好香口。不过块面包比较油，一人食一件就够喇。除咗烧鹅之外，其他小菜都整得几好食，可以一试。用埋Openrice订位有八折就仲抵啦。