影片
更多
2021-05-29
648 浏览
师傅谂咗好耐都唔知食乜嘢好，同小黄人商量完之后决定去深水埗逛一逛，加上师傅同小黄人都唔算好肚饿，于是谂住食得轻量啲，师傅灵机一触，决定去揾下师兄。师傅其实前前后后同小黄人都嚟过两三次，每次去揾师兄嘅时间，佢门外一定系大排长龙，通常见到咁嘅情况，师傅都会过门而不入。是次同小黄人再去会师兄，都系抱住搏一搏嘅心态。去到门口竟然见唔到条龙尾，原因系冇人排队㖞，师傅当然大喜，同小黄人即刻直入，入到去量完温度，填完资料后，就有得坐低啦!坐低后侍应好快趣交代左是日有啲乜嘢系沽清，于是同小黄人商量咗一阵之后，师傅决定要碗豚豚圆圆米线，小黄人就要咗碗带子牛郎米线，再加左两份小食，一份系鲜炸腐皮墨鱼虾条，另一份系麻香瑞士汁牛柏叶，加多一杯有机豆浆。落完单好快趣就已经有得食，最先登场嘅就系杯有机豆浆，师傅即刻试一试，入口豆浆冰冻鲜甜，甜味唔会太浓，味道恰到好处，饮落真系觉得几健康，饮完又舒服，正呀；之后再嚟就系麻香瑞士汁牛柏叶，到底乜嘢系麻香瑞士汁呢? 原来就系甜豉油汁，甜甜地再加少少麻辣嘅香味，入口甜中带辣，但辣得唔会过分，就算唔太食辣嘅都应该食到，因为始终豉油香甜比麻辣味强，而牛柏叶做得非常爽口，配上个
师傅其实前前后后同小黄人都嚟过两三次，每次去揾师兄嘅时间，佢门外一定系大排长龙，通常见到咁嘅情况，师傅都会过门而不入。是次同小黄人再去会师兄，都系抱住搏一搏嘅心态。去到门口竟然见唔到条龙尾，原因系冇人排队㖞，师傅当然大喜，同小黄人即刻直入，入到去量完温度，填完资料后，就有得坐低啦!
坐低后侍应好快趣交代左是日有啲乜嘢系沽清，于是同小黄人商量咗一阵之后，师傅决定要碗豚豚圆圆米线，小黄人就要咗碗带子牛郎米线，再加左两份小食，一份系鲜炸腐皮墨鱼虾条，另一份系麻香瑞士汁牛柏叶，加多一杯有机豆浆。
落完单好快趣就已经有得食，最先登场嘅就系杯有机豆浆，师傅即刻试一试，入口豆浆冰冻鲜甜，甜味唔会太浓，味道恰到好处，饮落真系觉得几健康，饮完又舒服，正呀；之后再嚟就系麻香瑞士汁牛柏叶，到底乜嘢系麻香瑞士汁呢? 原来就系甜豉油汁，甜甜地再加少少麻辣嘅香味，入口甜中带辣，但辣得唔会过分，就算唔太食辣嘅都应该食到，因为始终豉油香甜比麻辣味强，而牛柏叶做得非常爽口，配上个汁真的一绝，醒胃。
说时迟那时快，鲜炸腐皮墨鱼虾条都登场，都未嚟得及试，就已经见到两碗米线亦分别放咗喺师傅同小黄人面前，既然系咁当然系试咗碗米线先啦。师傅𠮶碗豚豚圆圆米线，由于有啲食物沽清，所以净系得返猪腩肉。先试下个汤底，茄汤香浓酸甜味适中，非常开胃，饮完一啖汤基本上都停唔到口，汤底非常之得，绝对系师傅暂时食过最出色嘅茄汤，赞呀。加上米线煮得恰到好处，唔会过腍亦都唔会太硬，入口烟烟韧韧，超级好味，真系欲罢不能。如果钟意食辣嘅不妨试下佢放喺枱个支麻辣汁，麻辣配茄汤估唔到出奇地吸引，香香甜甜酸酸辣辣味，味道好丰富，冲击著师傅嘅味蕾。师傅滴左两滴之后，忍唔住要加多几滴落去，超正。至于猪腩肉唔系一般得个肥嘅猪腩肉，切得厚薄适中，卖相吸引，入口发觉猪腩肉超爽口，虽然见到有肥膏，但摆入口绝对唔油腻，口感一流。
至于小黄人食嘅带子牛郎米线，师傅亦都有幸试到只带子同埋牛脷，先讲牛脷，牛脷属于厚切，入口松软加上非常之香，真系超级好食，至于带子亦都几大只，带子煮得唔太老，入口爽口，超得。 最后就系个炸腐皮墨鱼虾条，呢个相对地冇咁大惊喜，但墨鱼虾条炸得唔太油，墨鱼本身亦都够香，配上泰式辣酱，酸酸甜甜，亦算不俗。
总括嚟讲食物质素非常之出色，价钱亦都相宜，两个人食咗五样嘢埋单唔使两旧，绝对抵食。服务态度友善，加上系良心食店有，所以都冇乜办法唔多人排队，师傅初遇师兄虽然系迟咗少少，但亦未至于相逢恨晚，期待好快可以再嚟试师兄其他嘅食物，师兄要继续保持食物嘅水准，勿忘初心。师兄同香港人都要加油，好人一生平安!
最后师傅知道师兄都会玩下打油诗，所以师傅献丑!
蕃茄师兄顶瓜瓜
茄汤小食冇样差
师传食到笑哈哈
兄弟姊妹齐撑他
豚豚圆圆米线
$59
31 浏览
0 赞好
0 留言
带子牛郎米线
$69
29 浏览
0 赞好
0 留言
麻香瑞士汁牛柏叶
$32
29 浏览
0 赞好
0 留言
鲜炸腐皮墨鱼虾条
$18
22 浏览
0 赞好
0 留言
张贴
