影片
更多
2011-09-20
26 浏览
上星期师傅突然间好想坐底饮杯台式饮品, 但就谂唔到有咩好选择, 皆因呢期都系兴攞住杯野四围饮, 行左一阵咁啱望到呢间食店, 其实平时师傅见到呢间食店系唔会入去, 不过是夜要求的是台式食店, 可以坐底的选择并不多, 加上师傅仍未食晚饭, 就决定入去试一试!入到去坐底就睇下有咩好食啦, 其实入得台式食店, 师傅就最钟意食肉燥饭, 见个餐牌有散叫或套餐, 套餐仲可拣杯十七蚊嘅台式饮品, 睇落去好似好抵, 于是师傅就柯打左五香卤蛋肉燥饭跟餐, 而饮品当然系师傅嘅至爱青苹果绿茶啦!落完单唔使两分钟, 饭同饮品都放左喺师傅面前! 望一望碟五香卤蛋肉燥饭, 师傅当堂吓一吓, 之后又惊一惊, 心里面亦寒一寒, 皆因个卖相超衰, 冇错, 唔止衰, 仲要系超衰𠮶只; 系望左一眼之后, 师傅当场连胃口都冇晒, 直头想即刻起身松人, 但为免一众港女觉得师傅以貌取人咁肤浅, 于是还是决定乖乖地坐下来, 和呢碟五香卤蛋肉燥饭角力!师傅唔再多讲卖相, 有相为证嘛(证明几衰)! 成所谓一鼓作气, 再而衰, 三而竭…… 于是师傅就一鼓作气地将肉燥饭先放入口, 发现个汁系非常之杰, 同师傅当时嘅情况简直一样, 杰到冇朋友
入到去坐底就睇下有咩好食啦, 其实入得台式食店, 师傅就最钟意食肉燥饭, 见个餐牌有散叫或套餐, 套餐仲可拣杯十七蚊嘅台式饮品, 睇落去好似好抵, 于是师傅就柯打左五香卤蛋肉燥饭跟餐, 而饮品当然系师傅嘅至爱青苹果绿茶啦!
落完单唔使两分钟, 饭同饮品都放左喺师傅面前! 望一望碟五香卤蛋肉燥饭, 师傅当堂吓一吓, 之后又惊一惊, 心里面亦寒一寒, 皆因个卖相超衰, 冇错, 唔止衰, 仲要系超衰𠮶只; 系望左一眼之后, 师傅当场连胃口都冇晒, 直头想即刻起身松人, 但为免一众港女觉得师傅以貌取人咁肤浅, 于是还是决定乖乖地坐下来, 和呢碟五香卤蛋肉燥饭角力!
师傅唔再多讲卖相, 有相为证嘛(证明几衰)! 成所谓一鼓作气, 再而衰, 三而竭…… 于是师傅就一鼓作气地将肉燥饭先放入口, 发现个汁系非常之杰, 同师傅当时嘅情况简直一样, 杰到冇朋友; 汁里面有好多彊丝, 味道就十分之浓, 正常汁里应该系有好多肉燥, 可惜师傅揾左好耐, 肉燥真系唔多觉, 几粒肉粒就有, 而冇肉燥咁比啲咩呢, 咪就系冬菇粒, 将啲肉燥捞饭, 口里面除左饭就系冬菇, 相信呢一餐亦系师傅吃得最多冬菇的一餐! 至于卤蛋有两只, 蛋就真系卤得几入味, 入味得有少少过咸; 但当师傅品尝到咁嘅肉燥时, 亦不得不想下佢地嘅卤蛋点解可以咁入, 唯一稍为合理嘅解释系 “卖唔晒”! 只有卖唔晒先可以将只蛋不停地卤, 从而导致更入味; 虽然以上都系猜测, 但师傅肯定一件事, 就系五香卤蛋肉燥饭好唔得! 至于杯青苹果绿茶就不过不失, 有茶味和青苹果嘅香味, 而味道就颇甜, 可以啦!
总括黎讲食物质素真系不敢供围, 地方系光猛, 枱面同椅子都较为细少, 服务一般, 价钱就唔贵, 四十五蚊一个套餐, 净系杯饮品都要十七蚊, 廿八蚊食碟咁样嘅五香卤蛋肉燥饭, 食店方面就真系好好揾, 但师傅就觉得唔抵食喇! 当日师傅真系唔知发左咩野神经, 盲中中咁入左去呢间食店, 究竟为咩呢? 师傅到呢一刻都唔知点解, 不过就好肯定一样野系以貌取人系必须的, 肯定绝对唔会再黎同埋咸脸比梗呀!
张贴
